120 vjetori i Kryengritjes së Ilindenit u shënua me një kortezh me pishtarë në mbrëmjen e 1 gushtit në qytetin Bllagoevgrad. Procesioni filloi nga monumenti i revolucionarit Goce Dellçev në sheshin “Maqedonia”. Fëmijët, të rinjtë dhe të rriturit nga Maqedonia e Pirinit nderuan vetëmohimin, guximin dhe sakrificën e luftëtarëve  për liri që dhanë jetën në kryengritje. Kortezhi u drejtua nga anëtarë të shoqërisë kombëtare “Tradita” të veshur si kryengritës, të ndjekur nga vajza të reja me flamurin bullgar. Fëmijët dhe të rriturit kaluan në pjesën qendrore të Bllagoevgradit dhe u ndalën para monumenteve të Pejo Javorov, Todor Aleksandrov, revolucionarët e Maqedonisë dhe Endrenesë, busteve të Içko Bojçevit dhe Iljo Voivodës.

Më 2 gusht në kishën “Fjetja e Hyjlindëses” në lagjen Varosha do të mbahet një liturgji përkujtimore për të vdekurit në kryengritje.

• Shënojmë 120 vjet nga Kryengritja e Ilindenit