Kryetari i Komunës së Carevos (Bullgari Juglindore), Georgi Llapçev, shpalli gjendje të jashtëzakonshme në komunën e tij për shkak të vërshimeve dhe reshjeve intensive, njoftoi Drejtoria Rajonale e Ministrisë së Punëve të Brendshme-Burgas. Numri i urgjencës 112 merr telefonata të shumta nga rajoni i Carevos për njerëz në vështirësi dhe komplekse hotelesh të përmbytura. Në kampingun “Nestinarka” janë përmbytur shumë nga katet përdhese të ndërtesave, në kampingun “Arapja” niveli i ujit ka arritur në 2 metra, disa makina janë zhytur në det. Për shkak të vërshimit të lumit Veleka është mbyllur pjesa rrugore Varvara-Sinemorec dhe rruga Ahtopoll-Carevo. Aktualisht ekipet e shpëtimit po ndihmojnë njerëzit në fatkeqësi.