Më 8 dhe 9 shtator, tetë grupe alternative – shtatë bullgare dhe një amerikan, “u ankoruan” në kryeqytetin tonë detar Varna, për festivalin REBEL REBEL By The Sea Edition. Për të tretin vit, shoqata krijuese “Projector Plus” mblodhi për dy ditë artistë dhe fansa të tyre, për të cilët muzika është guxim, liri, rebelim dhe miqësi.
Në natën e parë në skenë u shfaq instrumentisti Grisha Georgiev, i njohur si GREESH, grupi alternativ groove metal nga Sofja “HELLION STONE”, grupi me tekste rebele “No More Many More” dhe të ftuarit specialë të festivalit – “Animacionerite”, një grup emblematik i fillimit të mijëvjeçarit të ri.
Në natën e dytë, më 9 shtator, u prezantuan grupi i ri por tashmë i njohur “Scotopia”, “TROPE” – një grup i rock-ut progresiv nga Hollywood, Kaliforni, grupi rock and roll “LEK CITY CASE” dhe “SOUNDPROPHET” – një grup, koncepti i të cilit bazohet në mesazhet e besimit në art, të respektit dhe të unitetit midis njeriut dhe muzikës.
Denica Sllavova, një nga organizatorët “Projector Plus” na tregoi para fillimit të festivalit:
“REBEL REBEL është një festival që e organizojmë për të tretin vit. Për herë të parë do të mbahet në Varna, në breg të detit. Përzgjedhja e pjesëmarrësve në festival çdo vit bazohet në një rregull shumë të thjeshtë, dhe ai është – grupet të jenë afër “Projector Plus”, kjo është shoqata jonë e pavarur e artistëve alternativë, e cila ekziston në hapësirën publike të Bullgarisë tashmë 3-4 vjet. Këto janë grupe me mendime të përbashkëta, me ide të përbashkëta, me një kauzë dhe mision të përbashkët, me një rebelim në gjak, që kanë këngë shumë të mira. Ky festival është një lloj kartëvizite e “Projector Plus” dhe një vend të veçantë në të zënë grupet që janë në “Projector Plus”. Megjithatë këtë vit kemi edhe një të ftuar special, “Animacionerite”.
Dhe për shkak se çdo festival me muzikë të mirë bullgare është një plus për skenën vendase, ju ofrojmë të dëgjoni pikërisht këngën e tyre "Plus", e cila ia dha emrin albumit të tyre të vitit 2003.
Përpiloi: Diljana Traçeva
Përgatiti në shqip: Vesella Mançeva
Foto: Facebook/ Animacionerite
“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në repertorin e saj. Dy projektet e suksesshme - "Re" dhe "Mjedra" - i sollën asaj popullaritet si solo..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në një skenë urbane kulturore të përbashkët, krijuese dhe miqësore me mjedisin. Dashamirët e muzikës..
Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin..
Pas suksesit të padiskutueshëm të koncertit - spektakël "Përgjithmonë" në sallën Nr.1 të Pallatit Kombëtar të Kulturës (NDK) vjeshtën e kaluar,..
Pesë muzikantët e grupit vokal "Spektrum" - Spectrum Vocal Band - janë ndër ata që nuk pushojnë së na mahnitur me mundësitë e pafundme të zërave..
Mot i kthjellët