Patrikana e Moskës së shpejti do të emërojë një kryetar të ri të Kishës Ruse në Sofje për të zëvendësuar arkimandritin Vasijan, i cili u dëbua nga vendi. Kjo është përgjigja e letrës që Patriku bullgar dhe Mitropolit i Sofjes Neofit i dërgoi Patrikut rus Kirill. Në përgjigje, Patriku Kirill i klasifikoi veprimet e autoriteteve bullgare në dëbimin e punonjësve të Kishës Ruse në Sofje të akuzuar për spiunazh, si “një veprim armiqësor dhe të padrejtë”. Në letër, Patriku i Moskës shpreh keqardhjen për banorët e Sofjes të cilët nuk mund të vizitojnë Kishën Ruse dhe të luten në varrin e Shën Serafimit, i cili është varrosur atje. Në letër, kërkohet që t’i jepet ndihmë kreut të ri të kishës pas mbërritjes së tij në Sofje.

Në përfundim, Patriku Kirill shpreh besimin se “forcat politike, pas të cilave qëndron armiku i racës njerëzore, nuk do të arrijnë të shkatërrojnë lidhjet shekullore të dashurisë dhe vëllazërisë në Krishtin, që qëndrojnë në bazën e bashkëpunimit midis Kishës Ruse dhe Kishës Bullgare”.

• Interesa politike dhe kishtare qëndrojnë pas kazusit me Kishën Ruse në Sofje
• Kisha Ortodokse Bullgare nuk ka autorizime të hapë Kishën Ruse në Sofje