Pas sulmeve befasuese terroriste të organizatës “Hamas” ndaj shtetit të Izraelit, autoritetet bullgare e vlerësuan të ulët nivelin e kërcënimit terrorist ndaj vendit tonë. Përjashtim janë aeroportet, stacionet e trenit, sinagogat, turistët nga shteti i Izraelit, ndaj të cilëve rreziku është rritur në të verdhë.
Deri më tani nuk ka pasur asnjë valë refugjatësh nga Izraeli në territorin e Bullgarisë, tha për Radio Bullgarinë Maksim Dellçev, drejtor arsimor në Organizatën e Hebrenjve në Bullgari – “Shalom”. Ata mbështesin punën e Ambasadës së Izraelit në vendin tonë në lidhje me hebrenjtë që kanë nevojë për ndihmë.
“Për momentin nuk ka hebrenj që kanë mbërritur në territorin bullgar, të cilët janë refugjatë në kuptimin e së drejtës ndërkombëtare – saktësoi Maksim Dellçev. - Detyra jonë tani është të ndihmojmë izraelitët që kanë ardhur këtu me pushime, pasi ju e dini se Bullgaria është një destinacion turistik dhe fluturimet e tyre tani janë anuluar. Ne mund t'i ndihmojmë ata të gjejnë strehë ose t'u sigurojmë gjërat që u nevojiten në lidhje me fenë hebraike."
Dellçev siguroi se po punojnë për çdo rast dhe kërkesë për ndihmë që marrin, por as ai dhe as ambasada izraelite në vendin tonë nuk kanë informacion për numrin e qytetarëve izraelitë në territorin bullgar.
“Lutjet e mia janë që një zgjidhje paqësore e çështjes të arrihet sa më shpejt të jetë e mundur dhe që përgjegjësit për këtë përshkallëzim të marrin përgjegjësinë e tyre. Sa do të zgjasë, shpresoj se do të kalojë shpejt dhe me kosto më të vogël të viktimave”, tha përfaqësuesi i Shalom, Maksim Dellçev.
“Lutjet e mia janë që një zgjidhje paqësore e çështjes të arrihet sa më shpejt të jetë e mundur dhe që përgjegjësit për këtë përshkallëzim të marrin përgjegjësinë e tyre. Sa do të zgjasë, shpresoj se e gjithë kjo do të kalojë shpejt dhe me më pak viktima”, tha përfaqësuesi i “Shalom”, Maksim Dellçev.
Lexoni më tepër:
Prej më shumë se një jave historia e një familje blegtorësh që rritin raca vendase të deleve ka tërhequr vëmendjen e publikut në Bullgari, por edhe të bashkatdhetarëve tanë jashtë vendit. Dhe në vend që të ndiqte teatrin në parlament dhe luftërat për..
Kush thotë se bullgarët janë njerëz të vrenjtur dhe pesimistë? Shëtisni nëpër tregjet e Krishtlindjeve të Sofjes dhe do të mbeteni me një përshtypje krejtësisht të ndryshme. Mjaftojnë dekorimet festive, muzika, dëfrimet dhe tezgat e mbushura me ëmbëlsira..
Shija pikante është një kulturë. Aleksandër Kjurkçiev - Sando, themeluesi i një ferme për speca djegëse pranë Sofjes dhe muzeut të parë për speca djegës në vendin tonë, është i bindur për këtë. Ai organizoi për të dytin vit radhazi festivalin “Chilli..
Shoqata "GLAS" - Bosilegrad mblodhi në një seri prej 25 video-raportesh histori nga e kaluara dhe e tashmja e shumicës së fshatrave të Bosilegradit të..
Këshilli i Punëve të Jashtme i BE-së u mblodh për të diskutuar vendosjen e masave shtesë kundër autoriteteve gjeorgjiane lidhur me përdorimin brutal të..
Instituti i Etnologjisë dhe Folklorit me Muzeun Etnografik pranë Akademisë Bullgare të Shkencave hap ekspozitën "Thesaret e Gjalla Njerëzore -..
Mot i kthjellët
Pjesërisht me re