Programi i ditës
Audio Player
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Orkestra e Muzikës Popullore e BNR-së hap sezonin e saj të 71-të

Foto: Orekstra e Muzikës Popullore e BNR-së

Orkestra e Muzikës Popullore e Radios Kombëtare Bullgare po hyn me një koncert në dekadën e saj të tetë. Sot, 19 tetor, në orën 19:00 në Studion e Parë të radios muzikantët, të udhëhequr nga dirigjenti Dimitër Hristov, do të prezantojnë një program në të cilin veçohen dy pika kryesore - performanca premierë dhe solistët e shquar që morën pjesë në regjistrimet e orkestrës gjatë sezonit të kaluar. Kristijan Nedellçev - producent i muzikës popullore në BNR – na tregoi më shumë, posaçërisht për miqtë e Radio Bullgarisë:

“Programi muzikor është jashtëzakonisht i bukur. Sipas traditës, ftojmë disa nga solistët më të shquar të sezonit të mëparshëm të regjistrimit – kështu do të jetë edhe në koncertin e së enjtes në mbrëmje."

Repertori do të jetë interesant dhe kryesisht i panjohur - muzikë origjinale dhe folklor autentik nga disa fusha folklorike. Fyelltari i ri Georgi Dobrev do të debutojë në orkestër.

Sezoni i 71-të muzikor i Orkestrës Simfonike të BNR do të jetë plot ngjarje.

Hristofor Radanov

Më 7 dhjetor me një koncert festiv do të kremtojmë 80-vjetorin e lindjes së Hristofor Radanovit, dirigjent i cili për njëzet vjet ishte në krye të Orkestrës dhe la gjurmë të ndritshme në punën e formacionit. Në "Sekretet e instrumenteve bullgare" do të prezantohet tamburaja. Xhevahiri në programin e koncerteve të orkestrës të dekadës së fundit - "Ritmi i Ballkanit" - do të nderojë zonjat e Ballkanit. “Muzika në portrete” do të na takojë me tre solistë – edhe pse me famë botërore, disa prej tyre do të qëndrojnë për herë të parë në këtë skenë.

“Këtë vit kemi ftuar një familje që ka kohë që nuk jeton në Bullgari - fyelltari Dimitër Karamitev dhe këngëtarja Magdalena Todorova do të interpretojnë këngë origjinale dhe kompozime instrumentale. Solisti i tretë që kemi ftuar gjithashtu nuk jeton në atdhe - ai banon në Francë dhe është jashtëzakonisht i njohur jashtë vendit. Ky është violinisti Dimitër Gugov, i cili luan me “Violinat Barbare /"Violons Barbares"/ - një formacion shumë interesant rock dhe etno që mbledh kulturën mongole, bullgare dhe franceze. Dimitër Gugov është një muzikant fenomenal që i bie gadullkas /një instrument tradicional bullgar me hark/ – do ta shohim për herë të parë me Orkestrën e Muzikës Popullore të Radios Kombëtare”, na tregoi gjithashtu producenti Kristijan Nedellçev.

Projekti "Pamjet vokalo-instrumentale" do të rikthehet me një tjetër edicion - një program koncertesh për koret dhe orkestrat në Bullgari.

Na presin shumë takime të tjera emocionuese me folklorin bullgar së bashku me muzikantët e Orkestrës së Muzikës Popullore të Radios Kombëtare Bullgare në sezonin e ardhshëm.

Foto: Orekstra e Muzikës Popullore e BNR-së, Lidhja e Kompozitorëve Bullgarë

Përgatiti në shqip dhe publikoi: Vesella Mançeva




Последвайте ни и в Google News Showcase, за да научите най-важното от деня!

Më shumë nga rubrika

Mihaella Fileva/ Facebook

Heroi i Dopaminës" - Mihaella Fileva u dhuron fansave të saj një hit veror

Disa ditë para se të festojë ditëlindjen, Mihaella Fileva u dhuron fansave të saj një dhuratë - videoklipin e saj më të fundit "Heroi i dopaminës". Përveç një ngarkese të fuqishme energjie dhe një tingulli modern, kënga përcjell edhe një mesazh..

botuar më 25-05-12 6.25.PD
Kori Folklorik Akademik dhe Orkestra Folklorike Akademike

Festë folklorike me talente të reja në "Festivalin Evropian të Muzikës" në Sofje

Një festë kushtuar pasurisë së folklorit bullgar do të zhvillohet në kuadër të "Festivalit Evropian të Muzikës". Nxënës nga Akademia Kombëtare e Muzikës “Prof. Panço Vlladigerov” - interpretues të rinj të talentuar të muzikës popullore bullgare, do..

botuar më 25-05-10 6.00.PD

"Kujtimi"

Aktorja dhe këngëtarja e re Violina Doceva është gati me këngën e saj të re "Kujtimi". Ajo shkroi tekstin dhe krijoi muzikën së bashku me Denis Popstoev, i cili është gjithashtu autori i aranzhimit. "Kujtimi" është një histori thellësisht personale..

botuar më 25-05-08 6.05.PD