Gati 1.5 milion njerëz në moshë nga 15 deri në 64 vjeç nuk janë aktivë në tregun e punës, njoftoi ministrja e çështjeve sociale Ivanka Shallapatova. Janë rreth 145 mijë të rinj që nuk studiojnë dhe nuk punojnë. Sipas ministrit, shteti po kërkon punësim adekuat për të gjithë ata dhe bashkë me këtë po punon që të lehtësojë procedurën e importimit të punëtorëve nga jashtë për industritë në të cilat nuk ka staf në vendin tonë.

“Qëllimi ynë është që të kemi një mbulim adekuat të nevojave të tregut me një fuqi punëtore cilësore që duhet të punojë për një shpërblim të denjë”, deklaroi Ivanka Shallapatova. Sipas saj, 136 000 të rinj dhe të rritur joaktivë do të përfshihen në tregun e punës përmes zbatimit të qasjeve dhe masave inovative në kuadër të programit “Zhvillimi i Burimeve Njerëzore (2021-2027)”.