Katërmbëdhjetë kompani bullgare gjejnë një vend midis qindra kompanive më të mëdha në Evropën Juglindore në renditjen TOP-100 të këtij viti të agjencisë së lajmeve dhe analizave ekonomike SeeNews, cituar nga televizioni bTV. Për krahasim, në edicionin e vitit të kaluar, 12 kompani bullgare gjetën vend në renditje. Kriteri kryesor janë të ardhurat totale për vitin fiskal 2022. Pozicionin më të lartë, i njëmbëdhjeti, mes pjesëmarrësve bullgarë e zë përpunuesi i bakrit dhe një nga furnizuesit kryesorë në botë të metaleve me ngjyra "Aurubis Bulgaria" me të ardhura prej 4.2 miliardë euro për vitin 2022. Më tej në renditje janë prodhuesi i bionaftës “Astra Bioplant” (pozicioni i 12-të), Lukoil Bulgaria (pozicioni i 14-të), centrali atomik Kozlloduj (pozicioni i 20-të) dhe të tjerë.