Mësuesit në vendin tonë i drejtohen gjithnjë e më shpesh inteligjencës artificiale /IA/ në punën e tyre të përditshme me nxënësit. Si ekspert në këtë temë, DobroslLav Dimitrov nga Shoqata Bullgare e Kompanive të Software-it, së bashku me partnerët e tij, tashmë po trajnojnë mësuesit e shkollave fillore se si të përdorin më së miri përfitimet e IA. Për shembull, si të përdorin ChatGPT për të përgatitur mësimin e tyre të biologjisë për bletët, por në mënyrë të tillë që të tërheqë interesin e fëmijëve të gjeneratës TikTok, të cilët janë të mërzitur në klasë dhe shikojnë nga dritarja. Por mësuesit nuk duhet të shqetësohen se do t’i spostojë IA. “E kam fjalën për ata që janë mentorë të vërtetë që zgjojnë interesimin e fëmijëve”, tha DobrosLlav Dimitrov në një intervistë për programin “Horizont” të BNR-së. Në të njëjtën kohë, si shumica e vëzhguesve, ai është i bindur se ChatGpt do të eliminojë nevojën që fëmijët të shkojnë në mësime private:
"ChatGPT mund të shpjegojë çdo mësim mjafton të mos jetë diçka shumë specifike që lidhet me historinë bullgare, por kjo do të kapërcehet së shpejti. Sepse është e pamundur që një mësues të shpjegojë një mësim në dërrasën e zezë në të njëjtën mënyrë që do ta kuptojnë 25 mendje të ndryshme. Secili fëmijë do ta kuptojë atë në mënyrën e vet dhe disa fëmijë do të duhet të shkojnë në mësime private më pas. Kështu që studentët mund të përdorin ChatGPT për qëllime arsimore, por është më mirë ta përdorin atë me mençuri”, thotë Dobrosllav Dimitrov.
Të njëjtin mendim ndan edhe Ljudmilla Borisova, mësuese në shkollën e mesme "Shën Kliment Ohridski" në Aksakovë. Për shkak të qasjes së saj inovative, ajo fitoi çmimin BYTE të këtij viti për zbatimin e inovacioneve teknologjike në arsim. Beson se teknologjitë dixhitale duhet t'u zbulohen të vegjëlve gradualisht dhe në një mjedis të kontrolluar.
"Ne jetojmë në një kohë kur askush nuk konkurron me IA, përkundrazi e tërheq atë në anën e saj, si asistent. Unë e përdor atë për të përgatitur punë të pavarur në klasë. Për shembull, ne e kemi çuar shumëzimin në pesë dhe unë pyes ChatGPT." A mund të përgatisni një punë të pavarur për shumëzimin me pesë?' Dhe ma bëri atë përnjëherë."
Sipas Ljudmillës, teknologjia funksionon, por faktori njerëzor do të jetë gjithmonë faktori kryesor. “Nxënësit më të vegjël nuk janë të vetëdijshëm se kur informacioni i dhënë është i besueshëm dhe kur duhet të kontrollohet me të paktën dy burime të tjera, ndaj duhet të udhëzohen”, thotë ajo dhe shton:
"Javën e kaluar provova të lëshoj ChatGPT në klasë dhe t'i bëja fëmijët t'i bënin pyetje. Ata ishin vërtet të zhgënjyer që ai nuk e dinte se kush ishin. Për shembull, pyetja: Kush është Martin? ChatGPT përgjigjet "Në vitin 2022, personi është i panjohur, nuk kam të dhëna për të". Megjithatë, atyre u bëri shumë përshtypje kur llogariti për ta distancën nga Toka në Hënë. Për të qenë e sinqertë, prisja që ata të tregonin më shumë interes për IA. Po, ata e miratuan sepse u jep informacione të dobishme, por vetëm kaq. Reagimi i tyre ishte “Por ai nuk e di kush jam unë, çfarë dhimbjesh kam, nuk është si mësuesja që mund të më dëgjojë 2 orë pse u grinda me disa apo cila vajzë më pëlqen dhe si të më kushtojë vëmendje mua". Fëmijët janë të emocionuar nga nevoja për një lidhje të ngushtë emocionale. Unë mendoj se nuk do të vijë një moment kur makineritë do të zhvendosin njerëzit, ata më mirë do të na ndihmojnë ne”, tha në përfundim Ljudmilla Borisova.
Lexoni më tepër:
Përgatiti në shqip dhe publikoi: Kostandina Bello
Ekipi bullgar u prezantua në një nivel jashtëzakonisht të lartë gjatë Turneut Ndërkombëtar të Fizikanëve të Rinj (IYPT) në Budapest, ku morën pjesë 38 vende nga e gjithë bota. Fizikanët bullgarë fituan medaljet e argjendta ekipore. Kjo është..
Data 9 tetor është afati i fundit për aplikime për rezidenca kërkimore për përkthyes letrarë nga bullgarishtja në kuadër të projektit Archipelagos, njoftoi fondacioni "Faqja tjetër". Rezidencat do të zhvillohen në Shtëpinë e Letërsisë dhe..
Hapen zyrtarisht Lojërat e Olimpiadës së 33-të Verore në Paris. Me këtë rast, kreu i shtetit Rumen Radev ndodhet në kryeqytetin francez për të marrë pjesë në hapje, me ftesë të presidentit francez Emanjuell Makron dhe presidentit të Komitetit Olimpik..
Në Olimpiadën Ndërkombëtare të Astronomisë dhe Astrofizikës në Brazil, nxënësit bullgarë fituan pesë medalje, njoftoi Shoqata e ekipeve olimpike në..