Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ka filluar të punojë mekanizmi i orës së një kulle të shekullit të 18-të në Peshtera

Foto: svetimesta.com

Prej më shumë se 300 vitesh, ora e kullës së vjetër në Peshtera po zgjon banorët e këtij qyteti të maleve Rodope. Kjo është kulla e dytë më e vjetër me orë në Bullgari dhe tashmë është bërë një nga simbolet e qytetit. Vitin e kaluar, "Sahata", siç e quajnë banorët vendas kullën, u restaurua dhe mekanizmi i orës u zëvendësua me një elektronik. Së fundmi, "Sahata" po i kënaq edhe një herë banorët e Peshterasë disa herë në ditë me tingujt e saj të këndshëm.

Shumë vite më parë, ora shërbente për rregullimin e jetës ekonomike, duke shënuar fillimin dhe mbarimin e ditës së punës të zejtarëve në punishte dhe dyqane. Asokohe esnafët ishin organizata shumë serioze me akte të rrepta nënligjore dhe të gjitha duhej të hapeshin dhe mbylleshin në të njëjtën kohë, që të mos kishte konkurrencë.

Dokumentet tregojnë se kulla e sahatit është braktisur pas Çlirimit dhe është vjedhur mekanizmi. Ai u restaurua më pas në vitet 1970. Për shumë vite, deri në vdekjen e tij, për mirëmbajtjen e “Sahata” është kujdesur plaku Halill. Tani e bën gruaja e tij. 88-vjeçarja e mban gjithmonë të pastër zonën përreth kullës dhe mbron “Sahata” nga vandalët.

Foto: svetimesta.com

Përpiloi: Gergana Mançeva

Përktheu në shqip dhe publikoi: Kostandina Bello



Последвайте ни и в Google News Showcase, за да научите най-важното от деня!

Më shumë nga rubrika

Presidenti Rumen Radev

Presidenti u bëri thirrje bizneseve të mbështesin kulturën dhe unitetin e kombit

Detyrë e rëndësishme e shtetit është të mbështesë kulturën, të sigurojë kushte që artistët të krijojnë art me ndihmën e iniciativës private, tha presidenti Rumen Radev në mbrëmjen gala “Horizonte”, organizuar nga revista “Menaxheri”. Forumi është..

botuar më 24-05-29 9.14.PD

Fotografi Valerij Poshtarov flet për fuqinë e të kapurit dorën njëri-tjetrit

"Në një botë që është gjithnjë e më e përçarë, që të kapemi dorë për dore po kthehet në një lutje të heshtur - një mënyrë për t'u bashkuar përsëri." Kështu fillon përshkrimi i projektit "Baba dhe Bir" i fotografit Valerij Poshtarov në faqen e..

botuar më 24-05-27 7.30.PD
„Mbi shkronjat“ e Çernorizec Hrabër

Kur u krijua alfabeti gllagolik?

A është alfabeti sllav bullgar? Me interpretimet e ndryshme të fakteve historike të nxjerra jashtë kontekstit konkret, gjithnjë e më shpesh mund të lexojmë se dy vëllezërit e Selanikut Kirill dhe Metodij e krijuan shkrimin më të vjetër sllav..

botuar më 24-05-24 8.35.PD