Vendimi për krijimin e një spitali privat për fëmijë, i cili u anulua mbrëmë, u mor në kushtet e një ndërprerjeje informacioni, tha për BNR avokatja Marija Sharkova, anëtare e Këshillit Publik për Krijimin e Spitalit Kombëtar të Fëmijëve. Ajo shtoi se këshilli do të insistojë që dokumentet në lidhje me vendimin të bëhen publike.Maria Sharkova kujtoi se në Sofje ka një tepricë të shtretërve spitalorë, me përjashtim të shtretërve të pediatrisë dhe të trajtimit afatgjatë.“Hapja e një spitali privat që ka struktura pediatrike do të thellojë problemin e personelit. Përveç kësaj, nuk do të funksionojë në interes publik për përmirësimin e kujdesit shëndetësor të fëmijëve, por në interes privat, sepse zgjidhen rrugë klinike fitimprurëse financiarisht dhe nuk pranohen raste të rënda, në të cilat institucioni mjekësor humbet burimet financiare”, theksoi ajo. Në rast se nuk ka rrethana të forcës madhore, në 3-4 vjet duhet të kemi Spitalin Kombëtar të Fëmijëve, tha gjithashtu avokatja.

• Një vendim për një spital privat për fëmijë trazoi shoqërinë

• Kabineti teknik anuloi vendimin për ndërtimin e një spitali privat