“Kohët e fundit kemi filluar të mësohemi me ndryshimin e shpeshtë të qeverive dhe parlamenteve, por në kohën e sotme të krizave, luftërave dhe pasigurive, nuk mund të lejojmë të mësohemi me neglizhencën e ushtrisë bullgare, ku proceset e modernizimit dhe kujdesit për të po ecin shumë ngadalë.” Presidenti Rumen Radev e bëri këtë koment për gazetarët pas ceremonisë solemne të bekimit të flamujve të betejës në sheshin “Shën Aleksandër Nevski".

Kreu i shtetit kujtoi se parlamentit aktual iu desh gati një vit për të pranuar programin e investimeve të modernizimit të zhvilluar nga qeveria e përkohshme e Gëllëb Donev. Megjithatë, ai përshëndeti vendimin për rritjen e pagave të personelit ushtarak - "një masë e rëndësishme, por e vonuar dhe e pamjaftueshme". “Nevojitet një paketë gjithëpërfshirëse e masave për të rikthyer atraktivitetin e profesionit ushtarak”, thotë Rumen Radev.