Shëndeti fizik dhe mendor i njerëzve, gjatë gjithë ciklit jetësor, është në fokus gjatë ditëve të Javës Evropiane të Shëndetit Publik /EUPHW13–17 maj/. Nisma promovon bashkëpunimin midis specialistëve të mjekësisë në Evropë, thekson rëndësinë e shëndetit publik dhe kërkon një qasje globale për zgjidhjen e problemeve. "Shëndeti është një zgjedhje politike," na thotë fushata, ndërsa kërkon një këndvështrim tjetër për çështjet planetare dhe inkurajon një brez të ri udhëheqësish në shëndetësi.

"Shëndeti si zgjedhje politike do të thotë që çdo veprim apo mosveprim i politikanëve ka pasoja për shëndetin publik. Megjithatë, theksi duhet të jetë në parandalimin, duke përdorur teknologjitë moderne të komunikimit. Kjo është kyçe në parandalimin dhe mbrojtjen nga sëmundjet që përhapen me shpejtësi. Kjo gjithashtu kursen shpenzimet edhe për vetë kujdesin shëndetësor” - shpjegoi Prof. Dr. Rumen Stefanov, udhëheqës i Departamentit të "Mjekësisë Sociale dhe Shëndetit Publik" në Universitetin e Mjekësisë - Plovdiv, në një intervistë për BNR Plovdiv.

Kur flasim për shëndetin publik, menjëherë na vjen ndërmend një problem në shkallë të gjerë – ai i djegies profesionale. Prek profesionet me rëndësi të lartë shoqërore, si mjekët dhe mësuesit. Këta janë njerëz me detyra të përgjegjshme, të cilët përpiqen për një kualifikim më të lartë dhe në të njëjtën kohë janë të përkushtuar ndaj profesionit, kështu që nuk kanë kohë për një pushim të plotë dhe për të larguar tensionin dhe stresin. 

Sipas një studimi në Bullgari të bërë nga sindikata e KT “Podkrepa”, mësuesit janë më të prekurit nga ky fenomen. Sindikata raporton se në vendin tonë problemet e burnout mes mësuesve janë të nënvlerësuara, nuk ka masa për parandalimin dhe rehabilitimin. Prandaj, ata këshillojnë të gjithë të bëjnë vetë-diagnozën e tyre dhe të kufizojnë mbingarkimin me faktorë stresues. Njeriu duhet të jetë në gjendje të jetë i dobishëm fillimisht për veten e tij, për familjen e tij dhe që andej e tutje të jetë në gjendje në profesionin e tij”, ka shpjeguar psikologu Kirill Kunçev në transmetimin e BNR-Vidin. Megjithatë, është e rëndësishme të bëhet dallimi midis stresit dhe gjendjes së djegies profesionale:

"Stresi është një reagim i përkohshëm, më së shpeshti shoqërohet me një ngjarje konkrete në jetën tonë. Ne përjetojmë stres kur rezervat tona mendore, fizike ose emocionale tejkalojnë nivelin tonë të rehatisë. Djegia është një reagim ndaj stresit të zgjatur dhe të tepruar që na lë në një gjendje të lodhjes fizike dhe mendore. Shkakton një qëndrim cinik ndaj punës sonë dhe njerëzve të lidhur me të. Bëhemi më pak efikas dhe më të larguar nga puna dhe njerëzit përreth nesh. Në djegie, ne shpesh nuk besojmë se situata mund të përmirësohet dhe të zhytet në një ndjenjë dëshpërimi." 

"Manifestimet e djegies lidhen me shfaqjen e ndjenjës së humbjes së energjisë, apo rraskapitjes emocionale. Këtu vjen ndjenja e negativitetit dhe cinizmit lidhur me punën, si dhe reduktimi i efikasitetit profesional. Simptomat e para janë ato të stresit emocional - fizik. lodhje, pagjumësi, një ndjenjë faji, megjithatë, kur gjendja është e ndërlikuar, ka një ngurrim për të shkuar në punë, humbje e vetëkontrollit, rritje e agresionit, zakone të shqetësuara të të ngrënit, tjetërsim. Është e mundhme shfaqia e migrenës, dhimbje në zemër dhe përkeqësimi i sëmundjeve të ndryshme kronike. Gradualisht zvogëlohet interesimi jo vetëm për aktivitetet profesionale, por edhe për zbavitje të ndryshme.

Djegia profesionale është një gjendje shkaqet dhe simptomat e së cilës janë të lidhura vetëm me ngarkesën e punës në vendin e punës dhe stresin e menaxhuar dhe të kontrolluar në mënyrë jo të duhur, shprehet eksperti.