Sot nga ora 13.00 në Bibliotekën Kombëtare “Shenjtorët Kirili dhe Metodi” në Sofje do të hapet ekspozita “Nën mbrojtjen e së shenjtës”. Ekspozita përfshin 16 tabela tematike me dorëshkrime, dokumente arkivore, libra të vjetër të shtypur dhe grafika origjinale nga koleksionet e Bibliotekës Kombëtare. Shtrirja kronologjike e dokumenteve është nga shekulli i XIII deri në shekullin e XX. Ekspozita ka në fokus rolin e fjalës në dy fetë kryesore që bashkëjetuan në Ballkan për shekuj me radhë.

"Tekstet e shenjta të krishterimit dhe islamit u shërbejnë njëlloj ndjekësve të tyre, të cilët besojnë se fjala e Zotit mbron nga sëmundjet dhe e keqja, jep shpresë në kohë të vështira dhe sjell shpëtim. Rrotullat prej letre me tekst dhe imazhe janë një mjet i zakonshëm i mbrojtjes personale dhe një ndihmës në situata delikate jetësore”, theksojnë organizatorët e ekspozitës.