Depozitat në banka për tremujorin e parë të vitit 2024 arritën shifrën rekord prej 75.4 miliardë euro (150 miliardë leva). Nga janari në mars, depozitat u rritën me 1.35 miliardë euro (2.7 miliardë leva) ose me 1.8%. Rritja është kryesisht për shkak të rritjes së depozitave të individëve, njoftoi Banka Kombëtare Bullgare.

Në tremujorin e parë të 2024-ës, emigrantët dërguan gjithashtu shumën rekorde prej 347 milionë eurosh. Për krahasim, në tremujorin e katërt të vitit 2023, paratë e dërguara nga jashtë ishin 308.1 milionë euro. Transferimet më të mëdha të parave vijnë nga ata që jetojnë dhe punojnë në Gjermani - 70.1 milionë euro, krahasuar me 62.5 milionë euro në tremujorin e katërt të 2023. Në vend të dytë për sa iu përket parave të emigrantëve të dërguar janë SHBA me 64 milionë euro, pasuar nga Spanja dhe Britania e Madhe me përkatësisht 34.1 dhe 33.4 milionë euro. Në vendin e katërt është Greqia me 21.8 milionë euro. Shuma prej mbi 10 milionë eurosh transferuan edhe bullgarët nga Austria, Belgjika, Holanda dhe Franca.