Pasi në vazhdim të shumë viteve një nga urat emblematike të ndërtuara nga mjeshtri murator Koljo Fiçeto shkatërrohej, aktualisht ajo është gati të mirëpresë sërish turistët. Hapja e saj zyrtare do të bëhet brenda pak ditësh - më 23 gusht.
Ura е Bjallës u ndërtua mbi lumin Jantra në 1865 - 1867 me urdhër të guvernatorit të Vilajetit të Danubit, Midhat Pasha. Ndërtimi i objektit ishte i nevojshëm për shkak të autostradës së re që kalonte mbi lumin Jantra pranë Bjallës, e cila lidhte qytetin kryesor të Vilajetit të Danubit - Ruse, me kryeqytetin e Perandorisë Osmane - Stambollin.
Për ndërtimin e saj, inxhinieri polak Ludmil Rola, i cili ishte në shërbim të Midhat Pashës, kërkoi 3 milionë grosha, ndërsa Kolju Fiçeto, mjeshtri më i famshëm i Rilindjes, u angazhua për ta ndërtuar vetëm për 700 mijë grosha.
Sot, ura ka rifituar plotësisht pamjen e saj autentike, si dhe janë restauruar skulpturat e famshme të një nimfe, një grifoni, një luani dhe një mjellme. Pranë saj ndodhet një qendër inovative ekspozimi, ku vizitorët do të mund të mësojnë për jetën e mjeshtrit të famshëm vendas Usta Koljo Fiçeto. Ju këshillojmë të ngjiteni edhe në katin e dytë, ku mund të shijoni një pamje të jashtëzakonshme nga ura drejt lumit Jantra.
Përpiloi: Joan Kolev
Foto: BTA
Përgatiti në shqip dhe publikoi: Vesella Mançeva
Menjëherë pas festës së madhe të krishterë të Rrëshajave, po festojmë ditën e Shpirtit të Shenjtë - personi i tretë i Trinisë së Shenjtë. Festa kishtare është gjithashtu e fundit para festës së të Gjithë Shenjtorëve, e cila përfundon ciklin e Pashkëve...
Çdo vit të shtunën para festës së madhe të krishterë të Rrëshajëve, Kisha kremton të Shtunën e Shpirtrave që është e dyta brenda vitit, të cilën populli bullgar e quan ndryshe edhe si e Shtuna e Shpirtrave e Qershisë, sepse përkon gjithmonë me stinën e..
Pothuajse njëqind eksponate nga Muzeu Historik “Iskra” ("Shkëndija") në qytetin e Kazanllëkut (Bullgaria Qendrore) do të shfaqen në një ekspozitë botërore të artefakteve të thesareve trake në Muzeun “Paul Getty” në Los Anxhelos në fund të vitit,..
Kompleksi i prodhimit në vendbanimin prehistorik "Kriporja" ("Sollnicata") pranë Provadia (Bullgaria Verilindore) do të jetë objekt i punës kërkimore..