Presidenti Rumen Radev e cilësoi takimin e tij me presidenten e Republikës së Maqedonisë së Veriut, Gordana Siljanovska-Davkova, që u zhvillua të premten, më 13 shtator, në Sofje, si konstruktiv dhe të sinqertë në një atmosferë miqësore. Siljanovska-Davkova vizitoi kryeqytetin bullgar për të ndjekur shfaqjen “Nabuko” nga Xhuzepe Verdi nga Opera dhe Baleti Kombëtar i Republikës së Maqedonisë së Veriut, e cila u prezantua në Operën dhe Baletin e Sofjes.

Nga Shkupi e cilësuan si provokim mungesën e flamurit të Republikës së Maqedonisë së Veriut në takimin në presidencë në kryeqytetin bullgar. “Duhet të jetë e qartë. Kjo nuk ishte as vizitë shtetërore dhe as pune. Shpresoj që në një të ardhme të afërt presidenti i Maqedonisë së Veriut të bëjë një vizitë shtetërore, e cila do të jetë me të gjitha ceremonitë zyrtare sipas protokollit dhe do të kontribuojë në zhvillimin e mëtejshëm të marrëdhënieve tona”, ishte kategorik presidenti Radev.

Dje nga zyra e Siljanovskës njoftuan se do të kërkojnë shpjegime për rastin nga pala bullgare.