Kopshti Zoologjik në Stara Zagora ka banorë të rinj – derre femërore të llojit Pecari tajacu dhe një majmun mashkull të llojit Cebus të quajtur Llëço. Kafshët mbërritën nga Kopshti zoologjik i Sofjes në bazë të një marrëveshjeje për mbarështim. Praktika sipas së cilës kopshtet zoologjike shkëmbejnë kafshë për qëllime mbarështimi është e zakonshme edhe në vendin tonë. Me të, dhuruesi ruan të drejtat për pasardhësit e kafshëve të ofruara, dhe "huaja" është me afat të hapur.

"Për momentin, ne kishim pesë derre mashkullore të këtij lloji, kështu që tre femrat e sapoardhura do të jenë një shtesë e mrekullueshme. Llëço do të jetë majmini i parë i llojit Cebus në kopshtin tonë zoologjik. Kafshët janë dërguar për një periudhë të pacaktuar," sqaroi për Agjencinë Telegrafike Bullgare BTA Najden Ilinov, drejtor i Kopshtit Zoologjik të Stara Zagorës dhe shtoi se të gjitha kafshët në Kopshtin Zoologjik janë plotësisht të përgatitura për stinën e dimrit.

Përpiloi: Veneta Nikollova

Foto: Kopshti Zoologjik i Stara Zagorës

Përgatiti në shqip dhe publikoi: Vesella Mançeva