Radioja Kombëtare Bullgare (BNR) - “Horizont” disponin projekt-marrëveshjen për bashkëpunim 10-vjeçar në fushën e sigurisë mes Bullgarisë dhe Ukrainës. Dokumenti prej 20 faqesh, nënshkrimi i të cilit u shty, përcakton se Bullgaria do të sigurojë trajnime për pilotët ushtarakë ukrainas. Forcat detare ukrainase duhet të kryejnë operacione kundër minave, operacione zhytjeje dhe operacione kapjeje në ujërat bullgare dhe vendet duhet të bashkëpunojnë për çminimin e Detit të Zi. Sofja dhe Kievi do të përmirësojnë korridoret Jug-Veri dhe Perëndim-Lindje për solidaritet dhe eksport të produkteve bujqësore të Ukrainës. "Do të hulumtohen mundësitë për furnizime të garantuara me energji elektrike nga Bullgaria me çmime fikse në dimër. Dokumenti shqyrton nevojën për paqe në Ukrainë nën "kushtet e përcaktuara nga Ukraina" dhe të mbështetur nga dokumentet ndërkombëtare. Sofja zotohet të mbështesë krijimin e një gjykate për agresionin rus kundër Ukrainës. Kievi do të garantojë arsimin në gjuhën bullgare në shkollat shtetërore të Ukrainës.

Lexoni më tepër nga arkivi ynë:

• Kryeministri Gllavçev: Zelenski e kuptoi plotësisht vendimin për të mos nënshkruar Marrëveshjen e Bashkëpunimit midis Bullgarisë dhe Ukrainë

• Kryetarja e Kuvendit Popullor Natalija Kisellova nuk e futi në axhendën e deputetëve Marrëveshjen me Ukrainën

• DPS "Fillimi i Ri" dhe PP kërkuan që Gllavçev të nënshkruajë Marrëveshjen me Ukrainën

• BSP dhe "Vëzrazhdane" kundërshtuan një projekt dhjetëvjeçar të bashkëpunimit ushtarak me Ukrainën