Një urë prej druri dhe një park i ri në Ruse do të lidhin njerëzit me natyrën

botuar më 25-01-05 7.30.PD

Foto: Bashkia Ruse/BTA

Ruse tani mund të mburret me urën më të gjatë prej druri të ndërtuar për këmbësorët në Bullgari. Objekti është hapur në fund të vitit 2024 në Parkun Pyjor të Lipnikut. Ura me gjatësi totale 28 m është e pajisur me parmakë xhami dhe 7 dritare prej xhami që janë pjesë e dyshemesë. Falë kësaj, kalimtarët mund të shijojnë me qetësi liqenin dhe peizazhin e bukur natyror përreth.

Zemrat e stilizuara nëpër kangjellat janë të destinuara për të dashuruarit - ata tashmë kanë filluar të vendosin dryna, si një simbol i dashurisë së tyre të fortë. Struktura e re prej druri është gati të bëhet një vend i preferuar për shëtitjet në mbrëmje, pasi është e pajisur edhe me drita që kursejnë energjie elektrike duke u aktivizuar me sensorë lëvizjeje. Së shpejti do të instalohet një video survejimi kundër akteve të mundshme të vandalizmit.

Këto ditë komuna e Ruses njoftoi se në vitin 2025 në lagjen "Zdravec-Iztok" fillon ndërtimi i një parku të ri të gjelbër në kuadër të një projekti për bashkëpunim ndërkufitar me Rumaninë. Parku do të përfshijë një rrjet vendkalimesh, kënde lojërash, zona pikniku dhe zona eventesh, etj. Projekti do të realizohet brenda 36 muajve të ardhshëm, premton bashkia.

Lexoni më tepër:

7 ide për vizita aventureske në rajonin e qytetit Ruse

Përpiloi: Veneta Nikollova

Foto: Bashkia Ruse, BTA

Përgatiti në shqip dhe publikoi: Kostandina Bello

Последвайте ни и в Google News Showcase, за да научите най-важното от деня!

Ndaje

Një urë prej druri dhe një park i ri në Ruse do të lidhin njerëzit me natyrën

Më shumë nga rubrika

Lumi Jantra tregon histori: kajak midis mrekullive shkëmbore dhe tuneleve të gjelbra

Një udhëtim me Plakun e Krishtlindjeve dhe Borëbardhën – magjia dimërore me trenin e Rodopeve me binarë të ngushtë

Në Sofje u dhanë çmimet e turizmit ballkanik