Instituti Kulturor Bullgar në Pragë dhe Instituti Antarktik Bullgar në partneritet me Fondacionin Antarktik Çek paraqitën projektin “Antarktida – dashuria e akullt”. Ai u është kushtuar 25 ekspeditave antarktike bullgare.

Prof. Hristo Pimpirev e njohu auditorin me disa histori interesante nga libri i tij në dy gjuhë (në bullgarisht dhe anglisht) “Antarktida – Jugu i ftohtë”. Ai tregon për punën e vet të përditshme dhe për punën e shkencëtarëve bullgarë në ishullin Livingston. Gergana Llapteva, pjesëmarrëse në shtatë ekspedita antarktike, paraqiti almanakun “Toka e panjohur jugore” – “Terra Australis Incognita”, ku janë botuar shumica e hartave gjeografike të Antarktidës që nga Mesjeta e deri më sot.

Në aktivitet ishin të pranishëm Tanja Asenova – sekretare në Ambasadën bullgare në Pragë, si dhe prof. Dushan Jamni – drejtor i Fondacionit Antarktik Çek. Prof. Pimpirev u dorëzoi çmime të posaçme studentëve të shquar bullgar në lëmin e gjuhës bullgare, të cilët bëjnë studime në Universitetin e Karlit në Pragë dhe në Universitetin e Masarikut në Brno. Ekspozita kushtuar temave të projektit mund të shikohet deri në fund të muajit qershor në godinën e Institutit Kulturor Bullgar në Pragë.