Zv.Presidenti i deritanishëm i Bashkimit Bullgar të Futbollit Mihaill Kasabov është Presidenti i ri i organizatës derisa zgjidhet udhëheqja e re. Më herët gjatë kësaj jave ish-Presidenti Borisllav Mihajllov dha dorëheqje, kurse pastaj të njëjtën e bëri dhe zëvendëspresidenti Atanas Furnaxhiev, bashkë me të gjithë anëtarët e Komitetit Ekzekutiv të federatës. Dorëheqjen e vet e ka dorëzuar dhe trajneri i kombëtares Krasimir Ballëkov. Ballëkovi ishte në krye të skuadrës për gjashtë ndeshjet e fundit dhe futbollistët bullgarë nuk arritën të fitojnë asnjërën prej tyre.

Këto ndryshime janë rezultat i skandaleve pas ndeshjes së kualifikimeve mes Bullgarisë dhe Anglisë, të zhvilluar në Sofje, në të cilën bullgarët humbën me rezultat 0:6. Kjo është humbja më e madhe e bullgarëve si mikpritës në ndeshje zyrtare. Ndeshja ishte ndërprerë dy herë për shkak ë brohoritjeve naziste nga ana e tifozëve bullgarë.