Në buxhetin e vitit 2010 pakësohen parat për ndihmën spitalore

botuar më 09-11-02 11.11.PD

Foto: BGNES

“Një picë e vogël pa mish” - kështu ministri i financave i Bullgarisë Simeon Djankov prezantoi në mënyrë figurative përpara gazetarëve buxhetin e vendit për vitin 2010. Nga kjo picë një copë vogël është caktuar për financimin e shëndetësisë gjatë vitit të ardhshëm. Spitalet do të marrin me 300 milionë leva më pak në krahasim me këtë vit. Më pak mjete do të livrojë shteti edhe për programet profilaktike dhe për riimbursimin e barnave. Është pakësuar dhe buxheti i Arkës kombëtare të sigurimeve shëndetësore. Siç u bë e qartë po vjen një vit i rëndë edhe për mjekët edhe për pacientët. Por barrën më të rëndë do ta mbajnë spitalet që kanë grumbulluar borxhe të ndryshme gjatë viteve:

“Më alarmante, për sa i përket buxhetit dhe analizës së bërë, janë borxhet e pa shlyera të institucioneve shëndetësore në fushën e ndihmës spitalore – theksoi ministri i shëndetësisë Bozhidar Nanev. – Në krahasim me vitin e kaluar ato janë rritur nga 33 deri në 51 milionë leva. Me këtë rast kemi filluar veprime të caktuara dhe po kërkohet përgjegjësi nga shefat e atyre spitaleve, që kanë lejuar mos shlyerjen e këtyre borxheve.”

Problemi është tepër serioz, sidomos duke pasur parasysh, se në Bullgarinë e vogël spitalet janë mbi 300. Privatizimi i spitaleve është një prej temave më akute në jetën e përditshme politike të vendit që nga fundi i viteve 90 të shekullit të 20. Në shkurt të vitit 2008 ndalimi i privatizimit të spitaleve ishte hequr nga Kuvendi popullor nëpërmjet ndryshimeve të bëra në Ligjin për privatizim dhe kontroll pas privatizimit. Sipas këtyre ndryshimeve ndalimi mbetet i vlefshëm vetëm për 67 spitale dhe qendra shëndetësore në Bullgari. Por me gjithë këtë deri tani s,kemi spitale të privatizuara. Mbrojtësit e idesë për privatizim në sektorin spitalor argumentohen me përmirësimin e pritur të cilësisë së shërbimeve shëndetësore dhe të bazës materiale të spitaleve. Sipas tyre pas privatizimit në spitalet do të investohen më shumë para. Por interesi i investitorëve ndaj spitaleve bullgare do të varet nga sistemi shëndetësor. A do të vazhdojë monopoli ekzistues i Arkës kombëtare të sigurimeve shëndetësore apo do të krijohen dhe institute të tjera të këtij lloji. Sipas prognozave të ministër Bozhidar Nanevit monopoli mund të prishet vetëm pas vitit 2010. Sipas tij kriza financiare ka reflektuar negativisht edhe mbi procesin e privatizimit të spitaleve.

Me gjithë krizën, Ministria e shëndetësisë planifikon në vitin 2010 të shtojë 10% pagesën në Ndihmën urgjente në vend. Dikasteri parashikon gjithashtu të rriten dhe çmimet e disa shtigjeve klinike të ndihmës spitalore që paguhen nga Arka kombëtare e sigurimeve shëndetësore. Gjithashtu spitaleve do t’u ofrohen buxhete të deleguara, kurse drejtorët e tyre do të mbajnë përgjegjësi personale për shpenzimin e mjeteve të livruara.

Përgatiti në shqip: Gjullka Ilieva

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Në buxhetin e vitit 2010 pakësohen parat për ndihmën spitalore

Më shumë nga rubrika

Tirana njoftoi të dhëna zyrtare të përditësuara për bullgarët në Shqipëri

Gjysma e diabetikëve në Bullgari nuk janë diagnostikuar dhe konsiderohen të shëndetshëm

Si do të ndikojë zgjedhja e Donald Trump në Evropë dhe në siguri, në mbrojtje dhe ekonomi?

Chat-i bullgar me inteligjencën artificiale BgGPT mund të shfrytëzohet falas nga të gjithë