Në tregun e librave në Bullgari doli libri “Don Kishoti ne mesin e shqiptarëve”. Autor i librit është akademiku i njohur shqiptar Ali Aliu, i cili konsiderohet si njëri prej teoricienëve dhe kritikëve më të njohur të letërsisë shqiptare. Vitet e fundit ai punon si pedagog i teorisë dhe historisë së letërsisë shqiptare në Universitetin e Evropës Juglindore në Tetovë. Ndër librat e tij janë “Studime Letrare”, “Teoria e Letërsisë”, “Reflekse Letrare”, “Antologjia e poezisë bashkëkohore shqiptare”. Libri “Don Kishoti ne mesin e shqiptarëve” doli për herë të parë në tregun e librave në Bullgari. Në këtë libër-ese autori kërkon figurën dhe shpirtin e Don Kishotit në veprat e disa prej autorëve më të mëdhenj shqiptarë si Jeronim de Rada, Naim Frashëri, Lasgush Poradeci, Faik Konica, Ali Podrimja, Luan Starova dhe Ismail Kadare. 

Në Sofje filloi xhirimi i projektit abcioz bullgar Love.net – një film për marrëdhëniet bashkëkohore qytetare dhe për dashurinë në internet. Regjisor është Ilijan Xhevelekov, i cili është dhe skenarist bashkë më Matej Konstantinovin. Ndër artistët, që marrin pjesë janë Hristo Shopovi dhe Zahari Baharov, i cili mori çmimin për artist të vitit 2008, si edhe këngëtari i grupit Juraja Hijp (Uriah Heep) Xhon Loutën. Sipas skenaristit Matej Konstantinov ky është një film për dashurinë.
*

Nga data 13 nëntor deri më 3 dhjetor në Sofje për herë të 23-të të radhës u zhvillua Kinomania – një forum, i cili tradicionalisht paraqes titujt më interesante dhe më të diskutueshme në fushën e artit bashkëkohor kinematografik. Në edicionin e sivjetshëm publiku kishte mundësi të shikojë 86 filma.

Festivali filloi me filmin më të ri të Karlos Saura “Unë, Don Zhuani” – një tregim për krijimin e një prej operave të Mocartit dhe për jetën jostandarde të autorit të njohur të libreteve operistike Lorenco de Ponte, i cili ka punuar bashkë me kompozitorin mbi disa opera.
Një interes të madh shkaktoi dokumentari i ri i Majkël Murit “Kapitalizmi: Një tregim dashurie”. Filmi u është kushtuar krizës botërore financiare dhe pasojave të saj.

Tre ishin filmat bullgarë, të cilat u paraqitën në festivalin Kinomania. Filmi “Gaforret” i Ivan Çerkelovit – historia e dy shokëve, të cilët janë përfshirë në luftën midis dy bosëve të mafisë. Sivjet ky film mori pjesë në festivalet prestigjioze të Moskës dhe të Karlovi Varit. Filmi “Parku i gjuetisë” i Lubomir Mlladenovit rrëfen për këtë si një takim i papritur mund të kthehet në ngjarje me rëndësi për dy të rinj. “Liqeni i hënës” ishte debuti filmor i regjisorit teatral bullgar Ivan Stanev, i cili jeton në Gjermani.
*
Në fillim të dhjetorit në kinemanë e kryeqytetit “Shtëpia e kinemasë” u zhvillua edicioni i radhës i Festivalit “Ditë të sfidave”. Publiku kishte mundësi të shohë dokumentarët më të rinj për udhëtimet dhe aventurat ekstreme, në të gjitha kontinentet. U zhvilluan dhe diskutime për mbrojtjen e natyrës bullgare. Ndër filmat e festivalit ishin edhe dy, që prezantonin përjetimet ekstreme nëpër shpellat e Gollobordës dhe lumenjtë e Shqipërisë.

Përgatiti në shqip: Maria Peeva