Në një nga vendet e fundit të klasifikimit për ushtrimin e sporteve masive është Spanja, e cila është kryetare e rotacionit të BE-së nga 1 janari i vitit 2010. Mezi katër nga dhjetë spanjoll ushtrojnë ndonjë sport, por vetëm dy nga dhjetë veta e ushtrojnë sportin rregullisht. Si shkak për largimin nga sporti spanjollët tregojnë mungesën e kohës dhe interesit. Në Spanjë sporti më i përhapur është futbolli. Krahas kësaj popullaritet kanë edhe notimi dhe çiklizmi. Si një nga shkaqet për shëndoshjen e kombit tregohet interesi i dobët ndaj sporteve. Prandaj qeveria spanjolle trefishoi buxhetin për hartimin e programeve të ndryshme shëndetësore për prevencë të shëndoshjes dhe mos lëvizjes së kombit. Duke marrë parasysh se në Marrëveshjen e Lisbonës i kushtohet një vend special sportit dhe aktivitetit fizik, parashikohet që më 25 janar të këtij viti në Barcelonë të organizohet një takim i Asociacioneve Evropiane të Sportiit për koordinimin e politikës evropiane në këtë fushë. Parashikohet që gjatë majit në Bruksel të mbahet dhe një mbledhje e Këshillit Evropian mbi çështjet e sportit.

Përgatiti në shqip: Svetllana Dimitrova