Shumica e bullgarëve shpallen kategorikisht për reforma në vend

botuar më 10-05-05 10.57.PD

“60% prej njerëzve nuk janë të kënaqur nga shërbimet shëndetësore, nuk janë të qetë për shëndetin e tyre në sistemin e tanishëm – shpjegoi Mira Radeva, drejtore e agjencisë MBMD.

Foto: BGNES

Mezi 17 për qind prej bullgarëve janë optimistë për gjendjen në vend gjatë muajve të ardhshëm. Dy herë më shumë janë ata, që mendojnë, se gjerat do të keqësohen, ndërsa 45 % presin që situata nuk do të ndryshojë. Si problem kryesor para vendit, njerëzit theksojnë papunësinë dhe të ardhurat e ulëta. Korrupsioni dhe qeverisja e keqe nuk janë aq shqetësuese për bullgarët, siç ishin ato në kohën e qeverisë së mëparshme të koalicionit tre partiak. Këtë e tregojnë rezultatet e studimit sociologjik, të zhvilluar në fund të prillit nga agjencia MBMD. Administrata shtetërore, shëndetësia, sistemi i pensionit dhe arsimi janë sferat kryesore, për të cilat kabineti i Bojko Borisovit me ardhjen në pushtet premtoi që do të ndryshohen. Por në tërësi njerëzit mbeten të pakënaqur për funksionimin e këtyre sferave.

“Për administratën shtetërore në vend të parë vihet në dukje shkurtimi i personelit – thotë Mira Radeva, drejtore e agjencisë MBMD. Njerëzit mendojnë, se paguajmë shumë për shërbime administrative. Pika e dytë është kufizimi i korrupsionit, organizimi më i mirë i procesit të punës dhe kompetencë më të mirë të nëpunësve. Në sistemin e shëndetësisë njerëzit presin shërbime më të mira. Ndryshime të tjera të nevojshme janë zhdukja e korrupsionit dhe pakësimi i burokracisë. Në drejtim të sistemit të pensionimit, njerëzit dëshirojnë rritje të pensioneve, ndërsa 9 % këmbëngulin për rritjen e moshës së pensionimit. Një pjesë prej bullgarëve shpallen për reformë të tërësishme në sistemin e pensionimit, por ka edhe të tjerë që janë për uljen e moshës së pensionimit. Në sferën e arsimit pritjet janë më në veçanti për shtrëngimin e disiplinës, përmirësimin e cilësisë së teksteve mësimore, rritjen e kualifikimit të pedagogëve dhe përmirësimin e bazës materiale.”

Rezultatet e studimit tregojnë gjithashtu mbështetje të madhe shoqërore për synimet e deklaruara nga qeveria për kufizime financiare dhe shkurtime strukturore në administratë. Jashtëzakonisht e dhimbshme për njerëzit mbetet dhe sistemi i shëndetësisë.

“60% prej njerëzve nuk janë të kënaqur nga shërbimet shëndetësore, nuk janë të qetë për shëndetin e tyre në sistemin e tanishëm – shpjegon Mira Radeva. Rreth gjysma prej njerëzve kanë udhëtuar në ndonjë qytet fqinjë për të marrë ndihmën e nevojshme mjekësore. Njerëzit mendojnë gjithashtu, se në spitalet e vogla mungojnë specialistë dhe aparaturë të mirë.”

Policia dhe qeveria janë dy institucionet që gëzojnë besim më të lartë shoqëror. Rejtingu i kryeministrit Bojko Borisov shënoi një ulje të vogël, që sipas Mira Radevës, u detyrohet efekteve të krizës ekonomike. Përveç kësaj për herë të parë prej vitesh Borisovi prapsi nga pozicioni prijës në klasifikimin e miratimit shoqëror para ministrit të punëve të brendshme Cvetan Cvetanov.

“Shkaku për këtë është, se Cvetan Cvetanovi kapitalizoi sukseset e qeverisë në sferën e luftës kundër krimit dhe kundër korrupsionit – thotë Mira Radeva. Kishte aksione shumë të efektshme policore, u ndaluan shumë njerëz, u ngritën shumë akuza. Siç duket, shoqëria prej kohe ka pritur të shohë një pushtet që ndahet ndjeshëm nga krimi. Sipas mendimit tim, shkaku i vërtetë për popullaritetin e madh të ministrit të brendshëm Cvetanov është, se ai është në një sferë, ku nuk ka gafe serioze – në një sferë ku fitohen beteja.”

Përgatiti në shqip: Sofia Popova

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Shumica e bullgarëve shpallen kategorikisht për reforma në vend

Më shumë nga rubrika

Kreu i shtetit Rumen Radev nderoi Radion Kombëtare Bullgare me Shenjën e Nderit të Presidentit

Radioja Kombëtare Bullgare mbush 90 vjet – një histori krenarie dhe pa paragjykime!

Radioja Kombëtare Bullgare feston përvjetorin e saj të 90-të me aktivitete të ndryshme

Biblioteka në Jamboll me fushatën "Le të lexojmë për Bullgarinë"

Tempulli i Shën Harallambit në Shablla mban të gjallë besimin e brezave

Fëmijët bullgarë fituan një konkurs në SHBA për të projektuar një koloni hapësinore