Panorama sportive

botuar më 10-07-05 11.46.PD

Një prej ngjarjeve kryesore sportive në botë këtë vit – Kampionati botëror i futbollit në Republikën e Afrikës së Jugut është duke përfunduar. Duhet të luhen akoma tri ndeshje – dy ndeshjet e gjysmëfinaleve dhe ajo e finaleve. Për finalet do të konkurrohen në njërën ndeshje skuadrat e Holandës dhe të Uruguait, kurse në ndeshjen tjetër – Gjermania dhe Spanja. Çerekfinalet përsëri ishin plot befasime – si për shembull fitorja shpartalluese e Gjermanisë me 4:0 kundër Argjentinës, e cila konsiderohej favorit, si dhe loja e jashtëzakonshme e holandezëve, të cilët mundën kampionin e pesëfishtë botëror – Brazilin.

Në ndeshjen e parë të grupit A të Ligës botërore të volejbollit, i cili u luajt në Pallatin e Kulturës dhe Sportit në Varna, Bullgari, skuadra kombëtare bullgare e volejbollit u paraqit në një mënyrë të jashtëzakonshme, duke shënuar fitoren bindëse 3:0 sete kundër skuadrës së Holandës. Kombëtarët bullgarë filluan ndeshjen me një ritëm të shkëlqyeshëm dhe akoma në setin e parë arritën rezultatin e jashtëzakonshëm 25:9. Seti i dytë gjithashtu u zhvillua nën diktimin e bullgarëve – 25:17 dhe vetëm në setin e fundit Bullgaria fitoi me një fitore minimale me 27:25. Ndeshja e dytë u zhvillua me një skenar pak më të ndryshëm – volejbollistët holandezë treguan një rezistencë më të madhe, sesa në ndeshjen e parë. Bullgarët fituan dy setet e para me rezultat përkatësisht: 25:22 dhe 25:20, më vështirë ishte në setin e tretë, kur Bullgaria arriti të fitojë, por shumë vështirë me rezultat 32:30. Kështu skuadra bullgare arriti të ruajë shanset e saj për klasifikim në finalet e Ligës botërore në Argjentinë.

Pas paraqitjes së saj të shkëlqyeshme në Kampionatin në të hapur në Britaninë e Madhe tenistja më e mirë bullgare Cvetana Pironkova arriti vendin e 35-të në listën botërore të tenisit dhe u bë tenistja e parë bullgare, e cila u klasifikua për gjysmëfinalet e Wimbledon. Kështu ajo grumbulloi 1668 pika dhe do të përparojë me 47 pozita para turneut të Helmetës së madhe në Londër. Lider në listën botërore do të mbetet fituesja e Wimbledon Serene Williams (SHBA) me 8475 pika.

Gjithsej pesë medalje fituan mundësit bullgarë në Kampionatin botëror të mundjes për adoleshentë në Samokov. Në kategorinë më të rëndë deri më 120 kg. të stilit romak bullgari Ljubomir Dimitrov fitoi medalje të argjendtë, duke humbur nga rusi David Oganeshvjan. Medalje të bronzta në stilin romak fituan Nikollaj Viçev në kategorinë deri më 50 kg. dhe Stanisllav Kënev – 84 kg. Dy medaljet e tjera të bronzta për Bullgarinë u fituan nga Krum Çuçurov në kategorinë deri më 55 kg. në stilin romak dhe Tajbe Jusein në kategorinë deri më 59 kg. për femrat.

Qitësja më e mirë bullgare Maria Grozdeva fitoi një medalje të artë në garën për pistoletë në distancën 25 metra për Kupën botërore në Beograd me rezultat 790.7 pika. Në disiplinën e njëjtë Antoaneta Boneva zuri pozitën e pestë.

Përgatiti në shqip: Vesella Mançeva

По публикацията работи: Ivan Petrov

Последвайте ни и в Google News Showcase, за да научите най-важното от деня!

Ndaje

Panorama sportive

Më shumë nga rubrika

Kristian Vasilev u kualifikua në finalen e skifit në Szeged

Vozitësi ynë Kristian Vasilev shkon në gjysmëfinale në Szeged

40 vjet nga ngjitja e parë bullgare në Everest

Vozitësi ynë Kristian Vasilev shkon në gjysmëfinale në Szeged

Kristian Vasilev u kualifikua në finalen e skifit në Szeged