“Jeta është për të dy” - me interpretimet e këngëtarit Orlin Goranov

botuar më 10-07-09 10.20.PD

Foto: BGNES

AUDIO

Update Required To play the media you will need to either update your browser to a recent version or update your Flash plugin.

Burrë elegant me një timbër të butë, i cili interpreton kompozime pop-rok dhe në të njëjtën kohë realizon role të repertorit të tenorit në skenën e operës. Në Bullgari këto fjalë mund të thuhen vetëm për këngëtarin Orlin Goranov.

Këngëtari Orlin Goranov ka lindur në qytetin e Berkovicës më 8 gusht të vitit 1957. Atij i është dhënë titulli “Qytetar nderi i Berkovicës”. Kur ka qenë fëmijë, ka kënduar në korin “Bodra smjana” dhe më vonë në Ansamblin e ushtrisë. Megjithëse babai i tij ka qenë mjek dhe Orlin Goranov ka ëndërruar të merret me shkenca humanitare, sot ai thotë: “Po të kisha pesë jetë të tjera, përsëri do të këndoja, më jep kënaqësi. Këngët sjellin qetësi në shpirt.” Të tilla janë si interpretimet e Marija Nejkovës dhe vjershat e Dimitër Toçevit, ashtu dhe kënga “Jeta është për të dy” në interpretimin e mrekullueshëm të Orlin Goranovit. “Madje të mos jem në këtë jetë, kërkoje dashurinë time në një kërcell luleje pranverore”. Kënga është e dashur për disa breza bullgarësh dhe këndohet deri më sot. Është krijuar në vitin 1981 dhe ka dy interpretime të tjera, të cilat i kanë bërë muzikantët e rinj.

Orlin Goranovi ka një karrierë të suksesshme edhe si këngëtar në duet. Vite me radhë ai ka kënduar me Kristina Dimitrovën. Kanë një album të përbashkët “Unë dhe ti”, i cili është lëshuar në tregun e muzikës në vitin 2000. Ndër hitet e këngëtarit janë duetet e tij me interpretueset Toni Dimitrova, Neli Rangelova, Mariana Popova. Në vitin 2007 u lëshua CD-ja e përbashkët “Orlin Goranov dhe miq” nga seria “Koleksioni i artë”. Hiti i tij i fundit me Mariana Popovën titullohet “Dëgjomë”. Kënga u prezantua në ceremoninë e dhënies së çmimeve vjetore të BG radios për vitin 2010.

Si interpretues pop Orlin Goranovi ka fituar shumë çmime nga konkurset kombëtare dhe ndërkombëtare. Ndër to janë çmimet e para nga Konkursi për rininë për këngë argëtuese Sofje 1987 dhe nga Festivali për hite në Dresden 1981. Orlin Goranovi ka marrë çmimin e madh për këngë argëtuese në edicionin e 30 të festivalit të njohur bullgar “Orfeu i artë ”, gjithashtu dhe çmimin e posaçëm të Lidhjes së shkrimtarëve bullgarë.

Këngëtari Orlin Goranov është i njohur edhe me shfaqjet e tij në skenën e operës. Gjatë vitit 1990 ai mbaroi Akademinë Kombëtare në Sofje dhe këndonte në disa shfaqje opere në Bullgari dhe jashtë. Publiku bullgar e pa Orlin Goranovin në një rol tjetër artistik – ai luajti rolin e presidentit në filmin bullgar “Misioni Londër”, regjisori i të cilit është Dimitër Mitovski. Në kohën e fundit filmi u popullarizua shumë në Bullgari. Ai është krijuar sipas romanit të Alek Popovit. Premiera e filmit u dha gjatë muajt prill të këtij viti, kurse nga shatori do të mund të shihet ne sallat e kinematografisë në Angli.

Orlin Goranovi jeton dhe punon me dëshirë të madhe dhe entuziazëm. Ka një familje të mirë, kurse vajza e tij Zhaklin ka studiuar në Vjenë. Para një viti këngëtari u dallua me intelekt dhe dituri në emisionin e popullarizuar televiziv “Vota e besimit”. Ai mbeti i parë 11 javë me radhë.

Po të doni të dëgjoni disa prej interpretimeve më të njohura të këngëtarit bullgar Orlin Goranov, klikoni AUDIO!

Përgatiti në shqip: Anna Kapitanova

По публикацията работи: Elena Cvetkova

Последвайте ни и в Google News Showcase, за да научите най-важното от деня!

Ndaje

“Jeta është për të dy” - me interpretimet e këngëtarit Orlin Goranov

Më shumë nga rubrika

Kopshti zoologjik në Stara Zagora ka banorë të rinj

Muzeu i Shkencave Natyrore i Plovdivit po pret një "Festival të Akullit"

Universiteti i Ruses mirëpret studentët e huaj me një program të pasur kulturor

Ndryshohen rendi dhe kushtet për lëshimin e vizave dhe regjimi i vizave