Punohet për nxjerrjen e fëmijëve nga institucionet sociale

botuar më 10-11-04 11.26.PD

Bullgaria ka ambiciet që të zgjidhë problemin me lënien e foshnjave dhe fëmijëve në kujdeset e shtetit. Problemi në të vërtetë është serioz për shkak të përqindjes së lartë të fëmijëve që rriten në institucionet sociale në vendin tonë. Numri i tyre është mbi 7 mijë në një popullsi prej rreth 7,7 milionë vetash. Pjesa më e madhe e këtyre fëmijëve janë në moshë deri në 3 vjeç, një pjesë tjetër janë me çrregullime mendore dhe fizike, por ka edhe shumë romë... Ndryshimet ligjore dhe bashkëveprimi i institucioneve të angazhuara me çështjet e fëmijëve dhe familjes japin shpresë që kjo tendencë negative të mbetet në të kaluarën. Sipas ligjit që tashmë është në fuqi, fëmijët që kanë qëndruar në institucion mbi 6 muaj dhe nuk janë kërkuar nga prindërit e tyre, automatikisht përfshihen në regjistrat e birësimit. Është përpunuar një strategji afatgjate për ristrukturimin e kujdeseve sociale për të miturit “Vizioni për deinstitucionalizimin e fëmijëve në Bullgari”. Qëllimi është që me ndihmën e institucioneve shtetërore, të angazhuara me këtë problem – Ministria e punës dhe politikës sociale, Agjencia shtetërore për mbrojtjen e fëmijëve dhe Ministria e shëndetësisë, si dhe të organizatave joqeveritare, gjatë 15 vjetëve të ardhshëm të mbyllen të gjitha institucionet sociale për fëmijë në vendin tonë.

“Zhvillojmë politika të integruara – thotë Valentina Simeonova, zëvendësministre e punës dhe politikës sociale. Kemi qëllime të njëjta, të cilat zbatohen nga ministritë e ndryshme të angazhuara me problemin. Deri tani kjo politikë ishte fragmentare. Tani të gjithë jemi të bashkuar rreth idesë, se mjedisi më i mirë për rritjen e fëmijës është ai familjar dhe do të punojmë bashkë për nxjerrjen e fëmijëve bullgarë nga institucionet.”

Procesi do të bëhet në etape. Tashmë janë mbyllur pjesë prej institucioneve për fëmijët me çrregullime fizike dhe mendore, të cilat nuk u përgjigjet kërkesave bashkëkohore. Institucionet vendosen të fillojnë pikërisht me këto shtëpi, sepse pas analizës së bërë doli, se problemet në to janë më të ashpra.

“Në fillim kishte shumë propozime, vë në dukje Nadja Shabani, kryetare e Agjencisë shtetërore për mbrojtjen e fëmijëve. Shoqëria, organizatat joqeveritare, UNICEF – Bullgaria, diskutonim a duhet të fillohet me institucionet për fëmijët me çrregullime, sepse aty reforma do të ishte më e vështirë... Gëzohem, se arritëm në vendimin unanim, se procesi duhet të fillojë pikërisht me këto institucione. Aktualisht u bëhet vlerësim këtyre shtëpive, aktualizohet gjendja shëndetësore e fëmijëve në to. Punojnë ekipe multidisiplinore, të cilat përgatitin kartën e shërbimeve alternative mjekësore-sociale për fëmijët.”

Afro 98 % prej fëmijëve të braktisur kanë prindër, kështu që shërbimet sociale përpiqen së pari t’i kthejnë fëmijët në familjet e tyre. Në qoftë se kjo bëhet e pamundshme, kërkohet familje kujdestare. Një pjesë jo e vogël e fëmijëve me çrregullime në moshë mbi 12 vjeç, shanset e të cilëve te ne janë të kufizuara, do të mund të birësohen sipas procedurës së lehtësuar kryesisht në SHBA, Kanada, Suedi dhe Itali. Në bazë të strategjisë së përpunuar tashmë po zhvillohet edhe procesi i mbylljes në etape të institucioneve për fëmijët në moshë deri në 3 vjeç. Përpjekjet tona aktuale janë për vendosjen e fëmijës te prindërit e tij biologjik ose të afërmit. Janë parashikuar masa për mbështetjen sociale të prindërve që përfshijnë ndërtimin e Qendrave për ndihmën sociale të grave shtatzëna dhe nënave në rrezik. Paratë për ristrukturimin e sistemit të kujdeseve sociale për fëmijët në rrezik janë të siguruara nga programet operative “Zhvillimi regjional” dhe “Zhvillimi i resurseve njerëzore” dhe shuma është për rreth 20 milionë euro.

Përgatiti në shqip: Sofia Popova

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Punohet për nxjerrjen e fëmijëve nga institucionet sociale

Më shumë nga rubrika

WWF - Bullgaria nis fushatën e donacioneve "Abonohu për natyrën"

Bullgarët e vetëshpallur në Maqedoninë e Veriut janë shumë më tepër se ata të regjistruar

Si do të ndikojë në BE rezultati i zgjedhjeve presidenciale në SHBA

Nxënës bullgarë janë të parët në një konkurs evropian të së drejtës ndërkombëtare

Dita e Antarktidës shënohet në Universitetin e Sofjes “Shën Kliment Ohridski”

Çfarë parashikon buxheti i BE-së për vitin 2025