Radioja Kombëtare Bullgare © 2021 Të gjitha të drejtat janë të rezervuara

Qendra për zhvillim ekonomik parashikon një rritje prej 3 për qind të ekonomisë bullgare gjatë vitit 2011

Gjatë këtij viti ekonomia bullgare do të shënojë një rritje prej 3 për qind. Lokomotiva e saj do të jetë industria. Papunësia do të tejkalojë 9 për qind. Shtrenjtimi i jetës gjatë këtij viti do të jetë më i dobët sesa gjatë vitit 2010. Çmimet do të rriten me tempe të ngadalta, por të ardhurat nuk do të ndryshohen. Këto janë parashikimet e Qendrës për zhvillim ekonomik në raportin për ekonominë e Bullgarisë gjatë vitit 2010.

“Bullgaria dhe ekonomia bullgare janë duke dalë nga kriza, edhe pse ngadalë dhe me vështirësi të mëdha – i përgjithëson të dhënat kryetari i Qendrës për zhvillim ekonomik Georgi Proharski. Kjo dalje e vështirë nga recesioni do të vazhdojë dhe gjatë vitit 2011. Ajo është lidhur si me faktorë ndërkombëtarë, ashtu dhe në një shkallë të madhe me probleme të brendshme në ekonominë bullgare. Në fakt Bullgaria filloi të dalë gradualisht nga kriza që gjatë tremujorit të dytë të vitit të kaluar. Viti 2011 gjithashtu do të jetë i vështirë për ekonominë bullgare. Në fund të vitit të gjitha degat do të jenë në fazën e rritjes dhe në fakt efektet e rritjes ekonomike do të ndihen gjatë vitit 2012.”

Çfarë është baza e parashikimeve të ekonomistëve të Qendrës për zhvillim ekonomik?

Tregtia e jashtme mbetet sektori më i suksesshëm i ekonomisë bullgare gjatë vitit 2010. Eksporti u kthye në nivelet para krizës dhe arriti një rritje prej 39 për qind. Një veçori tipike është shumëllojshmëria e tregjeve dhe prania aktive e firmave bullgare në një sërë vendesh nga Azia dhe Amerika Latine.

A përmirësohet klima e investimeve të huaja te ne?

Sipas të dhënave paraprake në vend kanë hyrë afro 900 milionë euro investime të drejtpërdrejta të huaja, që është një e treta e mjeteve të tërhequra një vit më herët. Tani për tani nuk ka sinjale se përqindja e investimeve të huaja do të përmirësohet dhe ndoshta vëllimi i tyre gjatë vitit 2011 do të arrijë vetëm një miliard euro. Lajmi i mirë është se Bullgaria vlerësohet si një prej destinacioneve më tërheqëse për outsourcing dhe është ndër 15 shtetet e para në plan botëror.

Si zhvillohet mjedisi i biznesit në Bullgari?

Bullgaria ruan vendin e 51-të në klasifikimin për vitin 2010 të raportit Doing Business 2011 të Bankës Botërore. Raporti konstaton lirinë e bërjes së biznesit në 183 ekonomi. Bullgaria ka arritur përparim në dy fusha – pagimi i tatimeve dhe fillimi i biznesit. Sipas rezultateve të studimeve të ndryshme ndërkombëtare dhe të brendshme, megjithë përpjekjet e vendit, niveli i korrupsionit gjatë vitit 2010 mbetet i lartë. Analizat e Qendrës për zhvillim ekonomik për sistemin financiar te ne tregojnë se ai mbetet i qëndrueshëm dhe është në një gjendje më të mirë nga viti i kaluar. Treguesit kryesorë të sistemit bankar po përmirësohen, kurse aktivët e bankës shënojnë rritje prej 4 për qind. Bujqësia mbetet dega më e financuar dhe e subvencionuar. Mirëpo tani për tani efekti i derdhjes së mjeteve evropiane në bujqësinë bullgare nuk jep rezultate të konsiderueshme. Ekspertët e Qendrës për zhvillim ekonomik prognozojnë se fondet evropiane do të vazhdojnë të tërheqin vëmendjen e investitorëve ndaj kësaj dege, por kryesisht sa i përket prodhimit të ushqimeve bio. Nuk pritet rritje e të ardhurave gjatë këtij viti. Ekonomistët nga Qendra për zhvillim ekonomik mendojnë se rritja eventuale e pagave në sektorin buxhetor do të jetë e dëmshme për ekonominë bullgare, sepse do të çojë deri në një deficit më të lartë, që nga ana e vet është një sinjal i keq për disiplinën buxhetore te ne.

Përgatiti në shqip: Vesella Mançeva

Më shumë nga rubrika

Pengjet ekonomike të partive në Parlamentin e ardhshëm

Me votën e tyre të fundit bullgarët treguan qartë se duan një ndryshim rrënjësor në qeveri. Për gati një vit ata demonstruan në sheshe qëllimin e tyre për t'u dhënë fund tendencave aktuale politike të cilat e mbështesin statukuon për dekada. Sidoqoftë,..

botuar më 21-04-06 1.28.MD

Gjatë vitit të pandemisë borxhi shtetëror është rritur me 22.5%

Borxhi i qeverisë u rrit me 2.72 miliardë euro ose 22.5% për një vit. Borxhi i nënsektorit të “Qeverisë Qendrore” në fund të shkurtit 2021 arriti në 14.8 miliardë euro, njoftoi Ministria e Financave. Në fund të shkurtit 2020, borxhi arriti në 12.1..

botuar më 21-04-01 4.55.MD
Olivier Marquette

Këmbimi i mallrave Bullgari – SHBA është mbi 1 mlrd. dollarë për vitin 2020

Presidenti i Dhomës Amerikane të Tregtisë në Bullgari, Olivier Marquette , përgëzoi Kryeministrin Bojko Borisov se në përfundim të mandatit të tij ka siguruar stabilitetin politik në vend.  “Bullgaria ka një potencial të madh..

botuar më 21-04-01 3.21.MD