Kryebashkiakja e qytetit Dobriç Detelina Nikollova

botuar më 11-05-03 10.55.PD

Foto: detelinazadobrich.com

Puna është zanati i saj, jo rastësisht shokët e të afërmit e konsiderojnë Detelinën Nikollovën si maniake pas punës. Ka një përvojë të madhe në pushtetin vendas, ndërsa si kryebashkiake e qytetit Dobriç, Bullgari Verilindore, ajo është e patundur në vendimet e saj, ambicioze dhe nuk dorëzohet para vështirësive. Detelina Nikollova është një njeri pozitiv dhe i hapur, nuk e adhuron tradhtinë dhe nuk toleron hipokrizinë. I pëlqen puna me profesionalistë dhe respekton mendimin e secilit prej tyre. Megjithëse është shumë e dhënë pas punës, gjen kohë për familjen, e cila është gjëja më e rëndësishme për të në botë.

“Kam një djalë dhe një nip, me të cilët krenohem – thotë Detelina Nikollova. – Bashkëshorti im, pilot nga forcat ajrore-ushtarake, gjithmonë më përkrah dhe i jam shumë mirënjohëse për këtë. Kam pasur vështirësi në jetë, por pikërisht ato më kanë bërë njëri të fortë. Më bëhet qejfi që të gëzojë të tjerët, bile në momentet e vështira, sepse dua t’i shoh njerëzit me buzë në gaz. Kur bisedon me dikë duhet ta bësh njeriun përballë teje të ndihet të rëndësishëm. Jam e mendimit se kjo është gjëja e parë, që e kërkoj në marrëdhënie. Si çdo maniaku pas punës, as mua koha më mjafton, por gjej orë të lira për lexuar poezi. Ndonjëherë vetë unë shkruaj, duke dëgjuar muzikë. Mbase më vonë do të mbledh të gjitha shkrimet e mia. Gjithsesi jam realiste. Marr parasysh gabimet e të kaluarës që t’i mos përsërisë në të ardhmen.”

Thuhet se Dobriçi nuk është vetëm një qytet rrethi, por edhe zemra e Dobruxhës së Artë ose e të ashtuquajturit rajon verilindor të vendit “drithnik i Bullgarisë”. Detelina është rritur atje dhe e njeh mirë rajonin. Që nga vitet 80-të të shekullit të kaluar ka zënë poste të ndryshme në administratën vendase. Dëshira e saj të jetë në dobi të të tjerëve, nxiti kandidaturën për kryebashkiak të qytetit:

“Vendimin të bëhem kryebashkiake e mora vështirësisht, pohon Detelina Nikollova. – E bëra këtë hap, sepse gjithmonë kam punuar në dobi të njerëzve. Nga puna e mëparshme si sekretare e bashkisë mësova shumë gjëra. Isha para zgjidhjes së çështjeve të rëndësishme. Bindja e brendshme ishte se i kam cilësitë dhe potencialin të ndryshoj qytetin tim drejt së mirës. Patjetër kërkova këshillë nga familja, sepse për mua më të rëndësishëm janë të afërmit dhe shokët. Të gjithë ata e panë këtë pozitivisht dhe kjo doli sfida më e madhe për mua. E dija se jem njeri, i cili mund të përballojë vështirësitë. Kështu gjatë vitit 2003 fitova zgjedhjet vendase dhe u bë kryebashkiake e Dobriçit, tashmë jam në mandatin e dytë. Jo vetëm i do njerëzit nga qyteti dhe vetë ai si vendlindje, por realisht ndryshuam shumë gjëra me kolegët nga ekipi im. Gëzohem se njerëzit e shikojnë këtë.”

Qyteti Dobriç ka tradita shumë të mira kulturore. Çdo vit atje zhvillohen pesë festivale me pjesëmarrje ndërkombëtare. Njëri prej tyre është festivali muzikor “Shpresat, talentet dhe mjeshtërit”, i cili mbahet më shumë se 15 vjet dhe mbledh pjesëmarrës nga pesë kontinente. Prej dy vjetëve përsëri zhvillohet konkursi i baletit për të rinjtë, që nga ana e vet ringjalli shkollat e baletit për fëmijë. Po ashtu mbahen festivale folklorike dhe pop-rock.

Si qyteti Dobriç mbetet gjallë, kur tendenca demografike tregon se të rinjtë në masë të gjerë largohen nga vendet e vogla?

Sipas fjalëve të Detelina Nikollovës shpopullimi i këtyre rajoneve është një shenjë e keqe si për zhvillimin ekonomik të vendit, ashtu dhe për atë demografik. “Ne, pushteti vendas, punojmë për mbajtjen e të rinjve në vend, duke investuar në arsim dhe duke krijuar kushte për biznes, thotë Detelina Nikollova. – Që të hapem vende pune për të rinjtë, rinuam stafin e administratës bashkiake. Zhvillimi i shërbimeve sociale hapi mundësinë që shumë të rinjtë të fillojnë punë në këtë fushë. Kështu bashkia u bë punëdhënësja kryesore dhe me të vërtetë bën shumë për të tërhequr investime të reja. Punojmë shumë aktivisht me të rinjtë për të ndërtuar strategji. Përpiqemi të lidhim arsimin me kërkesat e tregut dhe në këtë lidhje jemi takuar shpeshherë me punëdhënësit vendas. Përpiqemi të ndjekim kërkesat e të rinjve dhe u bëjmë pyetje se çfarë aktivitete presin. I përkrahim jo vetëm në mënyrë organizative, por edhe në atë financiare. Sa i përket pyetjes a ka mundësi që qyteti Dobriç të shpopullohet, nuk e besoj këtë. Tendenca tregon se te ne lindshmëria është më e lartë se vdekshmëria. Gjatë 4 vjetëve të fundit kemi shtim pozitiv të popullsisë dhe jam e bindur se Dobriçi do të bëhet një prej qyteteve të mëdha. Kam për qëllim të krijoj një mjedis të mirë, në të cilin secili mund të jetojë, punojë dhe mësojë, dhe jo vetëm kjo – kam ambicie Dobriçi të bëhet një vend turistik, sepse është zemra e Dobruxhës së Artë. Mirë se vini në Dobriç, ku njerëzit ju presim me bujari.”

Përgatiti në shqip: Anna Kapitanova

По публикацията работи: Darina Grigorova

Последвайте ни и в Google News Showcase, за да научите най-важното от деня!

Ndaje

Kryebashkiakja e qytetit Dobriç Detelina Nikollova

Më shumë nga rubrika

Fati i një tufë delesh bashkoi bullgarët në një kauzë të përbashkët për t'i shpëtuar

Verë e zier, survaçka dhe rrota ferri - fryma e Krishtlindjeve në Sofje

Në kohë pikante dhe Krishtlindjа jonë është djegëse

Fati i një tufë delesh bashkoi bullgarët në një kauzë të përbashkët për t'i shpëtuar

Dina Xhevali nga Siria: Kam jetuar një jetë pa rrugëdalje, ndërsa në Bullgari asgjë nuk është e vështirë për mua

Shkencëtarët studiojnë gjenomin e Bullgarisë