Vizita e parë e presidentit Plevneliev në Bruksel ripohoi pozitën e Bullgarisë në Evropë dhe NATO

botuar më 12-01-27 1.33.MD

Presidenti i ri bullgar Rosen Plevneliev u prit në Bruksel nga kryetari i KE-së Zhoze Manuel Barozu.

Foto: BGNES

Katër ditë pas hyrjes në detyrë, presidenti i ri i Bullgarisë Rosen Plevneliev vizitoi Brukselin dhe bisedoi me udhëheqës të lartë të NATO-s dhe të BE-së. Siç vetë presidenti vuri në dukje, vizita ka për qëllim të tregojë se edhe gjatë mandatit të këtij presidenti Bullgaria do të vazhdojë ta ndjekë orientimin e saj evropian dhe euroatlantik.

Sekretari i përgjithshëm i NATO-s Anders Fog Rasmunsen komentoi se vizita e Rosen Plevnelievit ka treguar angazhimin e madh të Bullgarisë ndaj Paktit dhe se Pakti do të mund të shpresojë te vendi edhe në të ardhmen. Një vlerësim analogjik dha dhe kryetari i Komisionit Parlamentar Zhoze Barozu, sipas të cilit vizita në Bruksel, e zhvilluar kaq shpejt pas hyrjes së presidentit të ri në detyrë, është një gjest, i cili tregon lidhjen e fortë midis Bullgarisë dhe BE-së dhe vlerat e tyre të përbashkëta. Edhe sekretari i përgjithshëm Rasmunsen e konsideron Bullgarinë si një anëtare shumë të rëndësishme të Aleancës, si mbrojtëse të sigurisë në Evropën Juglindore dhe i dha një vlerësim shumë të lartë pjesëmarrjes së forcave bullgare në Afganistan, Kosovë dhe Libi.

Në bisedimin me kryetarin e Komisionit Evropian Zhoze Barozu Rosen Plevneliev nënvizoi se do të jetë një president pragmatik dhe e ripohoi këtë që gjatë takimeve të tij të para në Ballkan, duke shtruar një çështje me rëndësi të madhe për Bullgarinë. Jo vetëm gjatë bisedimit të tij me Zhoze Barozu, por edhe në takimin me kryetarin e Këshillit Evropian Herman van Rompoj, presidenti shtroi çështjen për aderimin e vendit tonë në Shengen dhe shkaktoi një përkrahje kategorike për këtë kauzë. Barozu deklaroi kategorikisht se Bullgaria duhet të vlerësohet objektivisht për Shengenin, se vlerësimi duhet të jetë pozitiv dhe nuk duhet të varet nga përfundimet e raportit të Komisionit Evropian për përparimin e vendit në fushën e drejtësisë dhe të rendit publik. Nga ana e vet Rompoj siguroi se do ta shtrojë këtë çështje gjatë vizitës së tij në Holandë, e cila bllokoi aderimin e Bullgarisë në Shengen dhe përsëri do ta përfshijë në rendin e ditës të Këshillit të BE-së gjatë muajit mars, në qoftë se deri atëherë nuk arrihet marrëveshje.

Vizita e parë e presidentit të ri bullgar përtej kufirit tregoi se paraqitja e tij në skenën ndërkombëtare ka shkaktuar vëmendje dhe interes. Ai u prit në nivelin më të lartë në NATO, në Komisionin Evropian dhe në Parlamentin Evropian. Kjo vizitë, plot bisedime, ripohoi se kreu i ri i shtetit bullgar ka për qëllim të ketë një prani aktive në politikën ndërkombëtare.

Përgatiti në shqip: Vesella Mançeva

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Vizita e parë e presidentit Plevneliev në Bruksel ripohoi pozitën e Bullgarisë në Evropë dhe NATO

Më shumë nga rubrika

Presidenti Radev: Rruga e Maqedonisë së Veriut për në Bruksel kalon nga Sofja

Njerëzit me pasaporta bullgare në Maqedoninë e Veriut votuan si për partinë në pushtet ashtu edhe për opozitën

Ngjarjet me adresë ballkanike