Bullgaria kërkon me këmbëngulje furnizime alternative energjetike

botuar më 12-04-03 11.58.PD

Kryeministrat e Bullgarisë dhe të Gjeorgjisë, zotërinjtë Bojko Borisov dhe Nika Gillauri biseduan për projekte të përbashkëta energjetike.

Foto: BGNES

Në ditët e para të muajit prill kryeministri bullgar Bojko Borisov vizitoi Gjeorgjinë dhe Armeninë. Gjatë kohës së vizitave u njoftua se në fund të prillit ai do të vizitojë edhe Azerbajxhanin. Muaji filloi dhe do të përfundojë me veprime aktive të qeverisë për sigurimin e furnizimeve alternative energjetike për Bullgarinë.

Theksi në bisedimet e kryeministrit në Gjeorgji ishte mundësia përmes portit Poti deri te portet bullgare në Varna dhe Burgas të tranzitohet gaz i lëngësht, të furnizuar nga Azerbajxhani. Në këtë alternativë të gazit rus pala bullgare shikon disa prioritete. Nga njëra anë, do të fusë vetëm sasitë e nevojshme, dhe jo detyrimisht të mëdha dhe në bazë të marrëveshjeve afatgjata. Vetë ekzistenca e një alternative të tillë do të ndihmonte për uljen e çmimit të gazit të blerë nga Rusia, i cili për shkak të pozitave monopoliste në tregun bullgar është mjaft i lartë. Çmimet më të ulëta furnizuese do t’i lejonin Bullgarisë eventualisht të rindërtojë centralet e veta për ngrohje elektrike për punë me gaz, të cilat në këtë moment punojnë me brikete dhe qymyrguri.

Bisedime për furnizime të gazit të kompresuar nga Azerbajxhani përmes Gjeorgjisë nëpër Detit të Zi u zhvilluan në Tbilisi gjatë shtatorit të vitit të kaluar nga ministri i atëhershëm i ekonomisë, energjetikës dhe turizmi, z. Trajço Trajkov. Gjatë vizitës së tanishme të kryeministrit Borisov u bë e qartë se projekti për gazin e lëngësht është i realizueshëm deri më 2 vjet.

Objekt të bisedave ishte dhe mundësia për tregti me energjinë elektrike nga Gjeorgjia përmes Turqisë drejt Bullgarisë dhe Evropës. Aktualisht Gjeorgjia ndërton rreth 15 centrale hidroelektrike dhe parashikohet të ketë një potencial të konsiderueshëm eksporti. Është negociuar se kryeministrat e Bullgarisë dhe të Gjeorgjisë Bojko Borisov dhe Nika Gillauri të ftojnë kolegun e tyre turk Rexhep Erdogan në një takim trepalësh për ta diskutuar çështjen. Sipas kryeministrit bullgar, për Bullgarinë realizimi i këtij projekti do të lejonte ajo të investojë më shumë në sistemin transportues elektrik me më pak humbje.

Perspektiva që Bullgaria të importojë gaz nga Azerbajxhani përmes Gjeorgjisë do të jetë temë qendrore dhe e vizitës të kryeministrit Borisov në Azerbajxhan, më 25 dhe 26 prill. Përsëri gjatë muajit prill qeveria bullgare do të fusë në dijeni të kësaj çështjeje dhe presidentin e Këshillit Evropian Herman van Rompoj, i cili do të bëjë një vizitë zyrtare në Sofje, me kërkesë për ndihmë financiare dhe eksperte evropiane për realizimin e projektit. Siç komentoi kryeministri Borisov, nga përgjigja do të bëhet e qartë nëse në Evropë realisht do që të ketë diversifikim të gazit ose bëhet fjalë vetëm për dëshira.

Ideja për furnizimet e gazit nga Azerbajxhani me tankerë nëpër Detit të Zi u lancua akoma gjatë vitit 2009 nga presidenti Georgi Përvanov. Bisedimet tanimë përparuan mjaft dhe mbase projekti do të realizohet me ndihmën evropiane, me qenë se përkon plotësisht me idetë për një politikë të përgjithshme energjetike të Bashkimit Evropian, nuk kërkon shumë mjete dhe duke qenë rentabile do të jetë tërheqëse edhe për investuesit privatë.

Përgatiti në shqip: Nataniela Vasileva

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Bullgaria kërkon me këmbëngulje furnizime alternative energjetike

Më shumë nga rubrika

Një tjetër donacion i madh nga Bullgaria për Prespën e Vogël

"Survivor" bullgar ose ndryshe si mbijetojnë banorët e fshatit Radevo

Fshati Gomotarci ruan gjallë kujtesën dhe traditat e prodhimit të verës, por ka edhe jo pak probleme

KNSB: Taksat e ulëta nuk i zgjidhin problemet buxhetore të shtetit

Një bullgar fitoi titullin "Sandviçi më i mirë" nga European Street Food Awards në Gjermani

Fantazitë e kungujve në Sevlievo