Pianisti Ljudmill Angellov – mes Spanjës dhe Bullgarisë

botuar më 12-06-07 11.07.PD

Foto: arkiv

AUDIO

Update Required To play the media you will need to either update your browser to a recent version or update your Flash plugin.

Pianisti me famë botërore Ljudmill Angellov banon që prej shumë vitesh në Spanjë. Jep koncerte dhe mësime të pianos në mbarë botën. Ka lindur në një familje muzikantësh. I ati i tij është dirigjenti i madh bullgar Mihaill Angellov.

Ljudmill Angellov ka fituar një sërë çmimesh në konkurse ndërkombëtare. Ndër to janë “Frederik Shopen” (Polonia, 1985), Konkursi ndërkombëtar Palm Bijç (SHBA, 1990), Piano Master (Monte Karlo, 1994), World Piano Masters Tour (Franca, 1997) etj.

“Pavarësisht se kam shumë çmime, për mua çmimi i konkursit “Shopen” në Poloni është më i vlershmi – thotë pianisti. – Ai përvijoi tërë rrugën time krijuese pas kësaj. Sa për konkurset, mund të them se ato janë të dobishme për interpretuesin në një etapë të veçantë të karrierës së tij, por e kufizojnë repertorin. Interpretimi i shkëlqyeshëm i pjesëve të caktuara në rregulloren e konkursit kërkon shumë kohë në një moshë shumë kreative, kur grumbullohen shumë dituri. I këshilloj studentët e mi për të mësuar çdo ditë diçka të re. Repertori i pasur është shumë i rëndësishëm” – thotë pianisti.

Në vitin 2011 pianisti i njohur Ljudmill Angellov mori një medalje për merita për kulturën poloneze “Gloria artis”, kurse në vitin 2012 përfundoi incizimi integral i pesë koncerteve për piano të klasikut të madh bullgar Panço Vlladigerov. Projekti është i Radios Kombëtare Bullgare dhe i Ministrisë së Kulturës te ne. U realizua nga Ljudmill Angellov dhe nga Orkestra Simfonike e Radios Kombëtare Bullgare me dirigjent Najden Todorov.

Festivali muzikor ndërkombëtar në Toledo, është krijuar nga Ljudmill Angellovi: “Toledo është një qytet i mrekullueshëm me një histori shumë të pasur historiko-kulturore. Që në vetë fillimin morëm një përkrahje shumë të madhe. Organizatori kryesor është konservatori, ku isha profesor në atë kohë. Me iniciativën time në Sofje u krijua dhe festivali “Piano ekstravaganca”. Edicioni i tij i parë ishte në tetor të vitit 2011. Aktiviteti u është kushtuar veprave më pak të njohura për piano, të krijuara nga autorë më pak të njohur.”

Po të doni të dëgjoni interpretime të zgjedhura të Ljudmill Angellovit, klikoni mbi ikonën AUDIO! Ju urojmë minuta të këndshme!

Përgatiti në shqip: Vesella Mançeva

По публикацията работи: Allbena Bezovska

Последвайте ни и в Google News Showcase, за да научите най-важното от деня!

Ndaje

Pianisti Ljudmill Angellov – mes Spanjës dhe Bullgarisë

Më shumë nga rubrika

Muzikanti Dimitër Atanasov: Le t’u bëjmë një bilanc veprave të mira që kemi bërë për të tjerët

"Ngjitës për mjekrën" - kënga për Krishtlindje që këndohet edhe gjatë verës

Një Vatër e re e Kulturës në kryeqytet do të mbajë emrin e muzikantit Kirill Mariçkov

"Te dua"

Pas dy albumeve solo Petko Sllavov prezantoi këngën e tij më të re