Theksi i politikës së brendshme: Shkencëtarët bullgarë - me kontribut në zbulimin e “Pjesëzës së Zotit” në CERN

botuar më 12-07-08 2.08.MD

Zbulimi i një pjese elementare, vetitë e së cilës janë si ato të të ashtuquajturit “Higgs boson”, i cili është i njohur gjithashtu si “Pjesëza e Zotit”, ishte tema, e cila tërhoqi vëmendjen e të gjitha mediave botërore gjatë javës së kaluar. Ajo ishte në qendër të vëmendjes edhe në mediat bullgare jo vetëm për shkak të rëndësisë së madhe të këtij zbulimi, por edhe për kontributin e konsiderueshëm bullgar në të. “Higgs boson”-i është pjesëza më e kërkuar nga fizika bashkëkohore, sepse konsiderohet se ajo do t’i japë përgjigje pyetjes se si është krijuar Universi. Puna mbi këtë projekt ndërkombëtar ka filluar para më se 20 vjetësh në CERN dhe deri tani janë investuar 10 mlrd franga zviceranë. Në të marrin pjesë 39 vende, 193 institute dhe 3300 shkencëtarë. Shkencëtarët bullgarë nga Universiteti “Shën Klementi i Ohrit” dhe nga Instituti për studime bërthamore dhe energjetikë bërthamore pranë Akademisë Bullgare të Shkencave kanë një kontribut të konsiderueshëm në eksperiment që nga vetë fillimi i tij. Ata kanë përqendruar pjesëmarrjen e tyre në një prej dy eksperimenteve të mëdha të Përplasësit të Madh të Hadroneve, i cili duhet të rikrijojë kushtet e Shpërthimit të Madh nëpërmjet përplasjes së dy rrezeve patronesh me një shpejtësi të afërt me atë të dritës. Disa firma bullgare kanë prodhuar një pjesë të pajisjes së Përplasësit, gjë që i ka sjellë vendit tonë mbi 5 mln dollarë. Pjesëmarrja më serioze e shkencëtarëve bullgarë është në dizajnin, prodhimin, testimin dhe integrimin e kamerave me plane rezistuese. Për prodhimin e tyre në Institutin për studime bërthamore dhe energjetikë bërthamore është krijuar një laborator i posaçëm. Aktualisht ekipe bullgare përgjigjen për mirëmbajtjen e këtyre kamerave, marrin pjesë në analizën e të dhënave dhe në interpretimin e rezultateve. Sipas specialistëve ky eksperiment do t’u japë përgjigje jo vetëm shumë pyetjeve fundamentale në fizikë, por do të jetë i dobishëm edhe në sfera të tjera, si për shembull në krijimin e metodave të reja për mjekimin e kancerit, ose për përpunimin e mbeturinave bërthamore.

Последвайте ни и в Google News Showcase, за да научите най-важното от деня!

Ndaje

Theksi i politikës së brendshme: Shkencëtarët bullgarë - me kontribut në zbulimin e “Pjesëzës së Zotit” në CERN

Më shumë nga rubrika

Në Aeroportin e Sofjes hapën parkingje të reja me mundësi të karikimit të makinave elektrike

GERB do ta kthejë mandatin e parë sapo ta marrë

Borisllav Sarafov ka cilësitë për t'u zgjedhur kryeprokuror, sipas dy komisioneve të Këshillit të Lartë Gjyqësor

Shanset për zgjedhjen e kryetarit të Legjislaturës së 51-të të Kuvendit Popullor janë minimale

Kolegjiumi i Prokurorëve miratoi një seancë dëgjimore për kandidatin e vetëm për kryeprokuror Borisllav Sarafov

Bullgaria është në rrugën midis Lindjes dhe Perëndimit