Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Panairi i dhjetë ndërkombëtar i zanateve popullore “Etër”

Foto: etar-fair.org

Gjatë muajit shtator të vitit 1964 në saje të përpjekjeve të etnografit dhe piktorit të njohur Llazar Donkov në Bullgari hapi dyer Kompleksi i parë etnografik-arkitekturor, 8 km në jug të Gabrovos, buzë malit Stara Pllanina. Kompleksi “Etër” punon tërë vitin, pa ditë pushimi. Në të mund të mësojmë shumë për arkitekturën, mënyrën e jetesës dhe prodhimin nga gjysma e dytë e shekullit të XVIII dhe nga tërë shekulli i XIX – një periudhë, në të cilën qytetarët e Gabrovos eksportonin veprat e tyre në Bukuresht, Vjenë etj. Në vitin 1835 në qytet u hap shkolla e parë mondane bullgare – një provë për zhvillimin e madh shpirtëror, i cili shoqëronte zhvillimin ekonomik të Gabrovos.



Çdo vit gjatë javës së parë të muajit shtator në “Etër” zhvillohet Panairi ndërkombëtar i zanateve popullore. Më 6 shtator do të hapet edicioni i tij dhjetë. Tendencat popullore do të paraqiten në tri drejtime: demonstrime të aftësive të mjeshtërve, një konferencë shkencore dhe njohje me teknologjitë e vjetra.

“Sivjet miqtë tanë janë zanatçinj nga Anglia, Kroacia, Sllovakia, Rumania, Bosnja e Hercegovina, Maqedonia dhe vende të tjera. Panairi do të vazhdojë deri më 9 shtator dhe është nën patronazhin e Cecka Caçevës – kryetarja e Kuvendit Popullor – tregoi para mikrofonit të Radio Bullgarisë Petja Boneva, nëpunëse në muze. – Në kuadrin e festivalit tashmë tetë vite me radhë zhvillohet konferenca ndërkombëtare “Zanatet popullore – e kaluara, e tanishmja dhe e ardhmja”. Rreth 50 specialistë nga vende të ndryshme do të lexojnë kumtesa dhe do të marrin pjesë në debate shkencore. Tashmë disa ditë në “Etër” trajnohet një grup nga Anglia. Pjesëmarrësit përvetësojnë teknika të ndryshme në ngjyrosjen e pëlhurave me bojëra bimore, në përgatitjen e zileve etj. Pas përfundimit të kursit ata do të demonstrojnë se çfarë kanë mësuar dhe do të marrin diploma.”

Panairi ndërkombëtar i zanateve do të paraqesë dhe një program të pasur me interpretime të grupeve të ndryshme. Ndër to janë Ansambli i Veriut nga Pleveni, Ansambli folklorik nga qyteti Kallofer etj. Do të ketë dhe një spektakël me kukulla, valle, një orkestër frymore.

Përgatiti në shqip: Vesella Mançeva
Fotografi: etar-fair.org

По публикацията работи: Allbena Bezovska


Последвайте ни и в Google News Showcase, за да научите най-важното от деня!

Më shumë nga rubrika

Në zakonin "Pо́le, pо́le" ndërthuren besimi i krishterë dhe traditat pagane të bullgarëve besarabianë

Duke u zhvendosur në Besarabi më shumë se dy shekuj më parë, bullgarët morën me vete një pjesë të ritualeve tona të pasura. Në atdheun e tyre të ri, disa zakone u modifikuan nën ndikimin e traditave vendase, të tjera u zhdukën, ndërsa disa të tjera u..

botuar më 25-01-01 7.00.PD

Fatin e Vitit të Ri e gjejmë te buka, arrat apo... një enë me unaza

Dita e parë e janarit është e mbushur me shumë emocione, pritje dhe gëzime të shoqëruara me shpresën për një vit të bekuar në të cilin çdo pjesëtar i familjes do të jetë i shëndetshëm dhe do të arrijë ëndrrat e tij. Në kalendarin bullgar të festave, 1..

botuar më 24-12-31 6.50.MD

Dhuratë për dhuratë - bukë rituale dhe pjata tek Nata e Buzmit

Në ditët e sotme, si në të kaluarën, që nga mëngjesi i hershëm i Natës së Buzmit, familjet po merren me përgatitjet për darkën më të rëndësishme të vitit. Darka në pritje të Krishtlindjeve është pa mish, por gjithashtu duhet të jetë e pasur dhe e..

botuar më 24-12-24 7.30.PD