“Muri i kuq” është rezervati më i madh nga katër rezervatet biosferike në Rodope. Ai u shpall rezervat biosferik në vitin 1962, Në vitin 1977 UNESKO-ja vlerësoi rëndësinë e jashtëzakonshme të pasurisë së ruajtur atje prej llojesh të rralla bimore dhe kafshore, si dhe të fenomeneve piktoreske shkëmbore në rezervat dhe e përfshiu në programin e saj “Njeriu dhe biosfera”. Rezervati mban emrin e shkëmbit më të lartë të pingultë në Rodope. Në mbrëmje shkëmbi bëhet i kuq nën rrezet e diellit që perëndon. “Muri i kuq” është një rezervat tipik botanik, tha për Radio Bullgarinë Maria Mihajllova, eksperte e shumëllojshmërisë biologjike pranë Inspektoratit regjional për mjedisin dhe ujërat – Plovdiv: 
Prandaj rezervati është i njohur gjithashtu si “Parajsa e orkideve” te ne. Por mos përfytyroni orkidetë e mëdha të Zonës tropike. Orkidetë evropiane janë një lloj më i vogël dhe diskret, por nuk janë më pak të bukura. Në rezervat mund të shihen dhe shumë endemite të tjera të rralla, si tisi, Morina persica, e shumë të tjera. Këtu haset dhe një relikt bimor – Haberlea rhodopensis. 
Në pjesët më të poshtme të rezervatit rriten kryesisht pyje prej pemësh bishtshkurtra, si për shembull prej lisi, shkoze etj. Më lart pyjet janë kryesisht prej lisi të zakonshëm, plepi etj., kurse në pjesët më të larta të rezervatit “Muri i Kuq” shpatet janë mbuluar me pemë halore përherë të gjelbra prej bredhi, pishe të bardhë etj.
Në pyjet e rezervatit hasen lloje të ndryshme kafshore. Lumenjtë janë plotë trofta malore, kurse në disa prej tyre, si në Sushica për shembull, haset vidra. Në rajon ka gjithashtu arinj, ujq, drerë, dhi të egra. Këtu është një parajsë e vërtetë për shpendët grabitqarë të ditës dhe të natës.
“Këtu hasen 63 lloje shpendësh, 17 prej të cilave janë përfshirë në “Librin e Kuq të Bullgarisë” – shpjegon Maria Mihajllova. – Interes të madh shkaktojnë shpendët grabitqarë të ditës, por ka dhe shumë lloje shpendësh jashtë familjes së shpendëve grabitqarë. Këtu hasen gjithashtu lloje të 
ndryshme zvarranikësh. Disa prej tyre janë karakteristike për Mesdheun.”
Rezervati ka një regjim shumë të rreptë. Ai mund të vizitohet vetëm nëpërmjet pesë shtigjesh turistike. Dalja nga tyre është e ndaluar. Në vitin 2012 Inspektorati regjional për mjedisin dhe ujërat – Plovdiv filloi zbatimin e një projekti të financuar nga Programi operativ “Mjedisi rrethues” për ruajtjen dhe administrimin e qëndrueshëm të rezervatit “Muri i Kuq” dhe për mirëmbajtjen e akoma një rezervati. Projekti është me vlerë rreth 390 mijë euro dhe parashikon përpunimin e një plani për administrimin e rezervatit, rimëkëmbjen dhe përmirësimin e infrastrukturës turistike dhe rritjen e angazhimit të shoqërisë me ruajtjen dhe popullarizimin e territorit të mbrojtur. Në kuadrin e projektit do të bëhet dhe inventarizim i ri i shumëllojshmërisë biologjike.
Përgatiti në shqip: Vesella Mançeva
Fotografitë janë ofruar nga Inspektoratit regjional për mjedisin dhe ujërat – Plovdiv
Në prag të Lindjes së ndritur të Krishtit – Natën e Buzmit, Shenjtëria e Tij Patriku Bullgar Daniill dhe Mitropolit i Sofjes iu drejtua të gjithë fëmijëve të Kishës sonë Ortodokse. “Në lutje të qeta, të mbledhur rreth vatrës së ngrohtë të shtëpisë,..
Mbrëmjen e 25 dhjetorit në Teatrin Kombëtar “Ivan Vazov” nën patronazhin e kreut të shtetit do të zhvillohet edicioni i njëzet e dytë i shfaqjes bamirëse “Krishtlindjet Bullgare”. Nisma është nën moton “Të japim shpresë një fëmije në vështirësi”, dhe..
Nata e Buzmit është një nga ato festat e qeta familjare, të mbushura me shpresë për ditët në vijim. Në kufirin mes të shkuarës dhe të tashmes, bullgarët ortodoksë, kudo që janë të shpërndarë nëpër botë, mblidhen për të pritur Krishtlindjet...
Plaku i Krishtlindjeve do të shpërndajë dhurata për kafshët në Kopshtin Zoologjik të Burgasit më 25 dhjetor. Planifikohet një turne festiv nëpër..
Optimizëm i kujdesshëm për Sirinë - ky është pozicioni që ka mbizotëruar deri më tani në BE që nga rënia e regjimit të Bashar Asadit. Shumica e politikanëve..
Nata e Buzmit është një nga ato festat e qeta familjare, të mbushura me shpresë për ditët në vijim. Në kufirin mes të shkuarës dhe të tashmes,..
Reshje shiu/dëbore
Vranësira të dendura me shi
Reshje
Dëborë 
Reshje intensive