Në kulmin e verës, kur temperaturat arrijnë nivele rekorde vendosim në tryezë kryesisht sallata dhe gjellë të lehta me perime. Dhe me të vërtetë, çfarë gjëje më të përshtatshme për periudhën e vapës nga një sallatë të pasur me domate, speca, tranguj, qepë dhe djathë të bardhë përsipër, me pak vaj dhe uthull. Këtë sallatë e quajmë shope – në bazë të emrit të rajonit rreth Sofjes – Shoplluka. Prej vitesh ajo u bë simbol i kuzhinës bullgare.
Specat dhe domatet, të ardhur në Evropë nga Amerika, prej kohe janë kthyer në disa nga perimet më të blera nëpër tregjet bullgare. Diçka më tepër, Bullgaria ka tradita solide në rritjen e tyre, të cilat kopshtarët bullgarë i kanë shpërndarë në vende si Hungaria, Austria, Rumania e të tjera. Në Bullgari janë krijuar dhe një sërë varietetesh prej domateve dhe të specave.
Përveç në sallatën shope, specat dhe domatet janë në themel dhe të akoma shumë sallatave të tjera dhe shumë gjellë të tjera të lehta për tu përgatitur. Ja dhe një sallatë tipike verore, të quajtur nga populli ljutika. Merren 7-8 speca të trashë, piqen dhe qërohen, spastrohen mirë nga farat. Dy domate të mëdhenj dhe një kokë qepë prihen fare imët. Të gjitha këto bashkë vihen në një kupë hudhre dhe ngjishen, në qoftë se ju pëlqen pak djegësja, mund të vini dhe spec djegës.
Një sallatë tjetër bëhet me speca jeshile të pjekura, të qëruara dhe të prera imët. Ndaj tyre vihet kos detyrimisht më i trashë dhe përzihet mirë. Vihet kripë dhe pak piper i zi i bluar.
© Foto: BTA
Dhe pasi filluam me sallatat vazhdojmë deri te gjella kryesore. Ja dhe një recetë familjare. Merren 15-20 speca jeshile, më të mëdha dhe të trasha, piqen dhe qërohen, u vihet kripë. Me dëshirë mund dhe të skuqen fare lehtë. Renditen nëpër panënët e një tave të thellë. Një kilogramë, kilogramë e gjysmë domate të pjekura fare mirë priten në kube ose bluhen, derdhen në një tenxhere, u vihet kripë. Lihen të ziejnë rreth gjysmë ore derisa të trashet. E shtinë sosin mbi speca, por kështu qe të shikohet pjesa e tyre e gjerë. Kështu gjella duket estetike: e kuqe në mes dhe jeshile në periferi. Konsumohet e ftohtë. Me dëshirë mund t’i shtoni dhe hudhër të shtypur në havan, sidomos në darkë.
Një gjellë klasike verore janë dhe specat e mbushura me përzierje me vezë dhe djathë (mundet dhe gjizë). Që të mos të dalë mbushja, ato mbyllen me kapakë prej domate. Piqen në një tavë të lyer me vaj – derisa mbushja të ngurtësohet.
© Foto: az-gotvia.bg
Në fundjavë në Dellçevo do të derdhet verë falas nga dy krojet e fshatit. I vendosur në buzë të malit, fshati i zonës së Goce Dellçevos prej kohësh është bërë një atraksion turistik për shkak të arkitekturës së tij të lashtë dhe pamjeve të bukura të..
Nga 26 deri më 28 janar në qytetin e Pernikut, afër Sofjes po zhvillohet festivali i maskaradës më të gjallë, më të zhurmshme dhe më të mbushur me njerëz në Bullgari. Festivali quhet “Surva”, që është edhe emri i këtij zakoni të lashtë, i ruajtur..
Në fillim të çdo viti, në Razlog dhe fshatrat përreth rajonit të Pirinit, nisin përgatitjet e ethshme për Babinden. Festa i kushtohet gjysheve dhe grave që kanë ndihmuar në lindjen e nuseve të reja. Çdo vit festohet më 21 janar dhe në Razlog është ndër..