Konfederata Bullgare e Sindikatave të Pavarura u hodh në protestat në kryeqytet, duke grumbulluar rreth 6 mijë përkrahës të saj nga mbarë vendi. Dje rreth orës 2 pasdite filluan protestat e të punësuarve në fushën e energjetikës, arsimit, shëndetësisë, të minierave dhe të metalurgjisë.
Kërkesat e sindikatave kishin të bënin me vende të reja pune dhe rroga më të larta dhe jo me dorëheqjen e qeverisë. Në deklaratën dërguar Kuvendit Popullor, Konfederata e Sindikatave të Pavarura paralajmëron se, në qoftë se nuk ndryshohet buxheti i 2014-ës për sa u përket kërkesave të saj, pakënaqësia do të shpërthejë dhe pasojat do të jenë të paparashikueshme.
“Më në fund duhet të dëgjohet zëri i punonjësit bullgar – tha z. Petër Bunov, kryetar i Sindikatës së Hekurudhave. – Shumë zëra merren parasysh, por jo dhe ata të cilët kanë të bëjë me prodhimin. Për këta të fundit duhet të kujdeset më shumë, më tepër për punonjësit e varfër. Sepse rroga minimale nuk mjafton për të jetuar normalisht. Qeveria duhet të përmirësojë kushtet e punës dhe të rrisë rrogat.”
“Më se dy vjet shteti nuk bën pagesa të rregullta – thotë z. Nikita Derdanov nga Shoqëria “Sistemet e vaditjes”. – Ka ndodhur dy-tre muaj të mbetemi pa rroga. Si imagjinoni se i mbulojmë shpenzimet familjare. Po ashtu protestojmë se sektori ynë nuk është parashikuar në buxhet. Shoqëria “Sistemet e vaditjes” monitoron dhe menaxhon liqenet, dhe në qoftë se ndërpresim punë dhe ka reshje të konsiderueshme shiu, atëherë do të ndodhë përmbytje.”
Universiteti i Ruses organizon një sërë aktivitetesh drejtuar studentëve të huaj që studiojnë në të. Qëllimi i nismës është që të rinjtë të njihen me traditat, kulturën, historinë dhe zakonet bullgare, si dhe t'i bashkohen procesit arsimor dhe jetës..
Me afrimin e dimrit, shumë njerëz në Evropë po pyesin se si do të ndikojë sezoni në portofolin e tyre dhe nëse do të detyrohen të zgjedhin, për shembull, midis një shtëpie të ngrohtë apo një frigoriferi të plotë. “ Familjet bullgare, si dhe familjet..
Jeta e miliona njerëzve anembanë botës, që jetojnë në kushte lufte, urie, sëmundjesh dhe dëshpërimi të pamasë, është në rrezik çdo ditë. Emigrantëve nga vende të tilla ne shpesh u afrohemi me armiqësi dhe jo me mirëkuptim. Ajo që ata kanë përjetuar..
Vranësira të dendura
Pjesërisht me re