“Këtë ditë një rëndësi të madhe ka riti festiv i quajtur “Ujët e bekuar”. Dhe si dikur Jezu Krishti është pagëzuar në lumin Jordan, ashtu çdo vit më 5 dhe 6 janar priftërinjtë kryejnë ceremoninë “Ujët e Bekuar”. Uji si materi e cila sjell jetë por edhe vdekje bekohet për të dhënë jetë dhe shpëtim të fisit të krishterë. Uji i bekuar i Epifanisë përdoret për dëbimin e së keqes nga shpirti dhe nga trupi i njeriut. Prandaj këtë ditë besimtarët marrin nga ky ujë qe ta përdorin gjatë tërë vitit në rastet e vuajtjes së shpirtit dhe trupit.”

Sipas at Vasilit për bekimin e ujit ekzistojnë dëshmi që nga antikiteti i hershëm. Që në fillimin e shekullit të dytë Shën Augustini flet për përdorimin e gjerë të ujërave që janë bekuar në kohën e tij për shëndet dhe kurim.

“Kur ujët janë bekuar në ditën e sotme ata përfitojnë veti më të ndryshme, sepse bëhen dëshmi për mirësinë e Shpirtit të Shenjtë dhe pastrohen nga mëkatet e njeriut gjatë tërë vitit – shpjegon ati Vasil. – Në këtë mënyrë, duke bekuar ujët ne i bëjmë thirrje Shpirtit të Shenjtë të bekojë dhe tërë jetën tonë. E dimë, se pjesa më e madhe e planetit është zënë me ujë. Në organizmin e njeriut uji është dominues dhe na shoqëron tërë jetën – nga çasti i lindjes deri në vdekjen. Ai nuk zhduket, sasia e tij nuk ndryshohet.”

Sot kur shkencëtarët analizojnë vetitë e tij, cilësitë çudibërëse të ujit të bekuar janë një fakt shkencor. Gjatë krahasimit të ujit të zakonshëm me ujin e Epifanisë shihet qartë ndryshimi në formën e kristaleve, të cilët dy llojet uji formohen kur shndërrohen në akull. Kristalet e ujit të zakonshëm janë pothuaj pa formë, deri sa kristalet e Ujit të Bekuar janë me strukturë të drejtë dhe të bukur. Fjalët e mira dhe lutja e pastër formojnë kristalet më të përsosura. Prandaj një rëndësi shumë të madhe ka besimi i priftit që e bën ceremoninë e Ujit të Bekuar, thekson at Vasil Vasilev. Është e rëndësishme dashuria e tij ndaj njerëzve dhe punës që e bën. Por edhe besimi i njerëzve, për të cilët ai bën shërbimin ka rëndësi të madhe.

© Foto: arkiv