A mund të jemi të lumtur pavarësisht nga çdo gjë dhe nga çdo njeri? Përgjigja është “po”. Ka mijëra mënyra të kënaqesh me jetën. Njëra nga këto është të jesh me botëkuptim filozofik. Tjetra mënyrë është të lëshosh këngën “Happy” të Pharrell Williams-it dhe të fillosh të kërcesh në qendrën e Sofjes. Fonogrami i filmit animuar “Despicable Me 2” në interpretimin e reperit amerikan pushtoi internetin dhe fansat u çmendën pas këngës, ashtu siç u bë me hitet Gangnam Style dhe Harlem Shake. Kësaj radhe theksi ra mbi mjedisin urban dhe mendimet pozitive. Moda e re u ndjek nga të rinjtë nga 20 qytete të botës, përfshiu nga Sofja.
Në kryeqytetin bullgar u xhiruan dy flashmobe me muzikën e Pharrell Williams-it. Këto gjenden në internet. Në të dyja klipet duken të rinj me buzë në gaz të cilët duke kërcyer pushtojnë rrugët, bulevardet dhe sheshet e Sofjes. Ata na çojnë në pikat më karakteristike kulturore – katedralen “Shën Aleksandër Nevski”, Presidencën, Pallatin Kombëtar të Kulturës, rrugën kryesore “Vitoshka” etj. “Shumë shpejt e lehtë u bënë klipet. Në çdo gjysmë orë nismës i bashkoheshin kalimtarë të rastit”, shpjegon Biljana Sllavejkova, iniciatore e një nga flashmobet në Sofje.
Hiti “Happy” i Pharrell Williams-it të bën për vete menjëherë pasi e ke dëgjuar dhe sidomos kur i ke parë të rinjtë të emocionuar, me pamje artistike dhe plot gëzim. Të mos flasim se kohët e fundit të rinjtë nuk i shohim me pamjen moskokëçarëse e cila pamje është karakteristike për moshën e tyre. Sikur e kishim harruar të shohim optimizmin dhe humorin e mirë të rinisë, e cila kohët e fundit në të vërtetë ishte përqendruar më tepër në protesta. Bile-bile këto protesta merrnin formën e një flashmobi. Biljana Sllavejkova bën krahasim midis banorëve të rinj të Sofjes dhe moshatarëve të tyre në Kiev.
“Për mendimin tim mesazhi më i fortë i këngës “Happy” ishte ky në Kiev. Megjithë ndodhitë aty, ka njerëz të rinj të cilët janë të lumtur dhe në një farë mënyre kënaqen me jetën sado e vështirë që të jetë jeta. Ndërkohë edhe rinia në Bullgari po përballet me sfida të ndryshme. Shumë të rinj emigrojnë jashtë vendit, të tjerët ndihen të pakënaqur me realitetin në Bullgari dhe me atmosferën e jetesës. Megjithatë, mund të jemi “happy” dhe të kënaqim me jetën pa e çarë kokën shumë. Sepse lumturia është gjendje shpirtërore.”
Lumturia po ashtu do të thotë të shijojmë gjërat e vogla, si p.sh., një gotë vere, një ditë me diell, një buzëqeshje të të dashurit apo këngën “e elektrizuar” si ajo “Happy” në qendrën e Sofjes.
Përgatiti në shqip: Anna Kapitanova
Brazili është ndoshta një nga destinacionet më pak të njohura për të emigruar mes bullgarëve sot. Vetë vendi nuk ka një standard jetese kaq të lartë, megjithatë bashkatdhetarët tanë që kanë zgjedhur të jetojnë atje janë shumë të kualifikuar...
Filmi "Triumfi" i dyshes regjisoriale Kristina Grozeva dhe Petër Vëllçanov është propozimi bullgar për çmimet "Oskar", njoftuan nga Qendra Kinematografike Kombëtare. Përzgjedhja jonë për kategorinë e filmit ndërkombëtar në çmimet e 97-të të..
Si dukej Sofja në vitet 1970? Kësaj pyetjeje i përgjigjet ekspozita fotografike "Stacioni Sofja '70" me foto arkivore të fotografit të njohur bullgar Panajot Bërnev. Arkivi i panjohur me fotografi të Panajot Bërnev na kthen në..
Në ditët e para të vjeshtës, banorët dhe mysafirët e Plovdivit janë të ftuar të kujtojnë hapësira të veçanta, të dashura dhe interesante në qendër të..