Më 22 mars në lagjen e Londrës “Enfield” bashkatdhetarët tanë organizojnë Festivalin Pranveror të Folklorit Bullgar. Në të marrin pjesë 18 formacione të ndryshme të këngëve dhe valleve popullore. Pjesëmarrësit mbërrijnë nga Parisi, Munihu, Brukseli dhe nga qytete të tjera evropiane – si p.sh., Arma e Irlandës Veriore, Bërno e Çekisë. Më shumë janë formacionet nga Londra. Organizatorët e aktivitetit janë znj. Mariana Ivanova dhe Nikollaj Vëlev nga Asociacioni “Folklori dhe traditat bullgare”.
“Deshëm të gjejmë atë gjë që i bashkon bullgarët në Londër dhe të festojmë së bashku”, thotë znj. Ivanova. Kjo e fundit është emigrante në kryeqytetin britanik. Aty ajo ka hapur një kopsht për fëmijë. Ka mbaruar në degën e gazetarisë në Universitetin e Sofjes dhe ka tre vjet që studion këngët dhe vallet popullore bullgare. Aktualisht znj. Ivanova është udhëheqëse e klubit të valleve “Bulgara”. Në të marrin pjesë të vegjël dhe të rritur, një orkestër e vogël dhe një grup këngëtarësh të vegjël.
A është nostalgjia kjo gjë që i bashkon bullgarët emigrantë?
“Po, ndoshta është nostalgjia për atdheun – thotë znj. Ivanova. – Unë personalisht gjithmonë jam interesuar për folklorin bullgar. Vajza ime i bie mandolinës, po ashtu vallëzon. Aktiviteti i parë të cilin organizova këtu ishte në mbështetje të idesë së këngëtares Elica Todorova. Ajo kishte dashur të grumbullonte 50 mijë njerëz në valle dhe të kandidonte me të për Rekordet e Ginesit. Atëherë u mblodha vetëm 250 bullgarë, sepse nuk kisha kohë ta popullarizoja idenë. Për sa i përket Festivalit Pranveror, çdo vit pjesëmarrësit shtohen. Klubet e këngëve dhe valleve popullore bullgare në Londër numërojnë gjashtë-shtatë. Formacioni “Bulgara” merr pjesë në shumë aktivitete. Atij i bashkohen po ashtu dhe shumë anglezë, të cilëve më së shumti u pëlqejnë kostumet tona popullore. Më vjen mirë se sivjet interesi për festivalin është tepër i madh. Bile disa formacione nuk mund t’i përfshija në program. Vitin tjetër do të lusim më shumë dite festimi. Festivali Pranveror është në një farë mënyre shkollë për fëmijët emigrantë. Këta të fundit kanë mundësi të njihen me shumëllojshmërinë e kulturës tradicionale bullgare.”
Festivali nuk është aktiviteti i vetëm për emigrantët bullgarë në Londër. Më 6 maj ata do të hidhen në vallen e zakonshme kushtuar 6 Majit, Ditës së Shën Gjergjit.
Përgatiti në shqip: Anna Kapitanova
Sot me një ceremoni festive Unioni i Përkthyesve në Bullgari festoi 50 vjetorin e themelimit. Organizata u krijua më 5 qershor 1974 nga 246 persona - profesorë universitarë, poetë, shkrimtarë dhe përkthyes të njohur gjerësisht. Mes tyre ishin edhe..
Gazetari teatror gjerman Diter Top propozoi shfaqjen "Haga" nga Galin Stoev për një çmim nga Forumi Kulturor Evropë për arritje në fushën e kulturës. Këtë e njoftojnë nga ekipi i Festivalit Ndërkombëtar të Teatrit “Vera e Varnës”. Pjesa u shfaq në..
Arti ka ekzistuar gjithmonë si një formë e të shprehurit përmes të cilit mund të shpalosim botën tonë të brendshme. Këtë ka bërë edhe artistja me origjinë bullgare Enxhi Tufa, e cila përmes ekspozitës së saj “Ëndërr mes fjalësh” ka shprehur vetveten,..
Një ekspozitë fotografike kushtuar personalitetit të basit të madh bullgar të operës Boris Hristov mund të shihet deri më 28 gusht në Sofje. Ekspozita..