Në qendrën e Sofjes 2 milionëshe janë bërë tri itinerare të reja ekologjike me lloje të rëndësishme bimore. Në kryeqytetin bullgar gjenden drurë shumëshekullorë. Shumica prej tyre kanë të bëjnë me ngjarje dhe personalitete të rëndësishme historike. Shekuj të tërë këta drurë pasqyrojnë fatin e banorëve në Sofje dhe janë kthyer në monumente të vërteta.
Gjelbëria është gjëja e parë që u le përshtypje pasagjerëve të huaj kur të mbërrijnë në Sofje me avion. Në kryeqytet gjendet parqe të mëdha e të bukura, ku kurorat e drurëve sigurojnë freski në ditët me vapë. Këtu hasen dhe po ashtu shumë pemë frutore. Në cilin kryeqytet tjetër evropian paske mundur të zgjatësh dorë për të marrë mana, kunguj, qershi, vishnja, bile pjeshka. Mes gjelbërisë, e cila ndryshe është e rrezikuar nga investitorët e etur për ndërtim, gjenden drurët shumëshekullorë. Këta janë kryesisht lloje gjethore – si shpardh,vidh, man etj. Më dendur hasen lisat, të cilat janë studiuar me qëllim ruajtjen dhe popullarizimin e tyre ndër turistët.
Në Sofje ka 90 drurë shekullorë. Më i vjetri, 650 vjeçar, është mani në rrugën “Iskrec” 2. Trungu i tij është me diametër 4.1 metra. Të gjitha këto informacione gjenden në hartat ku janë përshkruar itineraret ekologjike. Këto të fundit janë përpiluar nga Fondacioni “Ekobashkësi” së bashku me dy organizata joqeveritare. Itinerari i parë kalon përmes drurëve pikërisht në qendrën e Sofjes ku gjendet Kopshti i Galerisë Kombëtare të Arteve dhe i Muzeut Etnografik. Aty është lisi më i vjetër – 400 vjeçar. Itinerari tjetër çon në Kopshtin Botanik të Universitetit të Sofjes ku kultivohen më se 1500 lloje bimësh mes të cilave duket një lis me kurorë të madhe. Në vitin 1896 mbreti Ferdinad e ka mbjellë atë dhe ka futur në rrënjë një monedhë prej ari. Ky itinerar kalon përmes Kopshtit të Mbretit Boris i cili ishte djalë i Ferdinandit. Shumica e drurëve shumëshekullorë janë përqendruar në Liqenin “Ariana” dhe në Liqenin e Zambakëve.
Itinerari i tretë përcjell turistët në lagjen “Gorni Lozen” ku gjendet Kopshti i Lisave të Sllavejkovit. Në fillim të shek. XIX-të aty janë zhvilluar mbledhjet e lëvizjes letrare “Mendimi” (bullg. Misël), ndërsa nën hijen e lisave poeti i madh Penço Sllavejkov ka sjellë disa nga veprat e tij më të bukura. Aty ngrihet lisi 135-vjeçar, të cilin e ka mbjellë gjuhëtari slloven Anton Bezenshek.
Informacione të hollësishme rreth itinerareve gjenden në sajtin http://vekovnite.org. Hartat shpërndahen përmes Qendrës Turistike të Informacioneve në Sofje në vende të tjera të kryeqytetit.
Përgatiti në shqip: Anna Kapitanova
Nga 15 maj nis zyrtarisht fushata “Shtëpia më e Mirë Malore e Vitit”. Në këtë aktivitet do të shpallen shtëpizat dhe strehimoret e nominuara në programin e konkurrimit dhe ato të propozuara për mbështetje financiare dhe përmirësime të infrastrukturës...
Turizmi i tepërt i shkaktuar nga bumi i paprecedentë i udhëtimeve pas përfundimit të epidemisë bëri që njerëzit të kërkojnë një alternativë të nocioneve të pranuara gjerësisht të pushimeve. Sidomos ndër brezat e rinj, ka një ngopje të ekskursioneve..
Mijëra njerëz do të mblidhen sot në burim në zonën malore të Dambalësë mbi Momçillgrad . Të gjithë besojnë se gjatë kësaj nate uji që buron nga shkëmbinjtë bëhet shërues dhe shëron sëmundje të ndryshme. Mrekullia ndodh pikërisht me fillimin e 6..
Për ne, bullgarët, Bataku është një qytet i shenjtë! Edhe sot e kësaj dite, atje ndihet jehona e ngjarjeve tragjike që lidhen me Kryengritjen e..