Mario Stançev ka lindur në Sofje në një familje muzikantësh. Babin e ka bullgar, ndërsa nëna e tij është franceze. Pianisti ka filluar karrierën e tij në Bullgari dhe pas kësaj është vendosur në Francë. Vite të tëra ka ligjëruar në Departamentin e Xhazit të Konservatorit të Muzikës në Lion. Është shpërblyer me disa çmime për kontributin e tij në zhvillimin e kulturës së qytetit francez. I pyetur çfarë kombësi ka – bullgare apo franceze, Mario Stançev u përgjigj kështu: “Kombësia ime është ajo e muzikantit.”
“Brenda javës do të jap tri koncerte në mbrëmje dhe po ashtu dy koncerte të tjera pasdite – thotë pianisti i njohur. – Do të koncertoj së bashku me formacionin tim “Trio Origines”. Në muzikën tonë dallohen elemente të folklorit bullgar, të muzikës etno, elemente romantike etj. Solist i ftuar është Louis Sclavis i cili i bie klarinetës. Më 28 mars me grupin “New Bulgarian Trio” do të japim koncert me muzikë xhaz nga albumi i fundit, të cilin album do të prezantojmë po ashtu edhe në Bullgari. Në trion bëjnë pjesë bateristi Hristo Jocov dhe kontrabasisti Dimitër Karamfillov. Në projektin tjetër “Trioja e hapur” kam ftuar Laurent Blumenthal i cili i bie saksofonit, si dhe Stojan Jankullov (perkusione). Për publikun do të jetë interesante të dëgjojë “Pianos Battle” (Beteja e pianos) – një projekt i realizuar së bashku me disa studentë të Konservatorit të Lionit. Koncerti “Goldberg or not Goldberg” për dy piano mbi veprën e shquar të Bahut “Goldberg variacione” pasqyron më së shumti pasionin tim për muzikën klasike. Partner i imi është Samuel Fernandez. Më vjen mirë se Opera e Lionit më dha mundësinë të nxjerrë në pah performancat e mia.”
Përgatiti në shqip: Anna Kapitanova
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga viti 2017, kalaja "Hotaliç" është shndërruar në një skenë ku performojnë grupet vendase të rock-ut...
Me këngën “Momente” po shkojmë në breg të detit me Nikollën dhe Lindën, të cilët këndojnë për momentet e tyre të vërteta. Nikolla Dimitrov është autor i tekstit dhe recitativit, bazuar në atmosferën gjatë muajve të verës në bregdetin bullgar të..
DeepZone Project vazhdon linjën në të cilën ata interpretojnë në një mënyrë të re këngët e njohura nga autorë dhe interpretues bullgarë. Këtë verë muzikantët prezantojnë një nga këngët më të dashura bullgare - "Ti", kënduar fillimisht nga Nina..