“Tango pa kufij” është një koncert nga afishja e Festivalit Muzikor Evropian. Prapa këtij titulli ka një program interesant dhe origjinal, program ky që do të zbatohet më 9 prill nga ansambli “Tanguarda”. Formacioni është i njohur për publikun bullgar që nga viti 2009, kur erdhi për herë të parë në Bullgari, kurse gjatë 2012-ës “Tanguarda” mori pjesë edhe në festivalin ndërkombëtar “Ditët Muzikore të Marsit” – Ruse. Themeluesja e formacionit është Maria Martinova. Pianistja e re bullgare banon në Belgjikë gjatë disa viteve të fundit. Ka mbaruar Julliard School në Londër, kurse më vonë dashuria e saj ndaj tangos e çoi në Konservatorin e Roterdamit, ku mësonte te profesionistë të mëdhenj të këtij stili.

Le të rikujtojmë se përveç “Tanguarda-ës” Maria është autore e akoma disa projekteve, të cilat pasqyrojnë fytyrën bashkëkohore të tangos. Njëri prej tyre e ka emrin “Parisi – Buenos Ajresi... Një histori dashurore”. Interpretuesit janë violinisti Cyril Garac dhe Maria Martinova. Sivjet ky program u incizua në Studion e parë të Radios Kombëtare Bullgare, kurse aktualisht po përgatitet një album me të njëjtin emër.