Me siguri ekspozita e profesorit Gredi Assa në Galerinë e Arteve Figurative në kryeqytet, do të shndërrohet në një nga veprimtaritë më interesante të vitit 2014 në fushën e pikturimit. Talenti i tij na çon përmes një bote të fantazmave enigmatike. Bënë përshtypje shqetësimi i tij, që të mos errësohet bukuria e planetit, të cilin e popullojmë. Në 49 tablotë e prezantuara autori rikrijon përuljen e tij para natyrës dhe arteve të ndryshme. Dhjetëra janë ekspozitat e piktorit Gredi Assa si në vendin tonë, ashtu edhe jashtë shtetit. Ekspozita iu kushtohet jubileut 60 vjeçar të lindjes së tij.
Titulli metaforik “Përmes shkretëtirës” mbledh në vet veten njohuritë, hidhërimin, shpresën dhe urtësinë e autorit. Lidhur me këtë Gredi Assa shpjegon:
“Po flasim për shkretëtirën, e cila është në vet ne, e cila është jashtë neve dhe e cila është në ditën e përditshme. Po flasim për këtë, që na rrethon, dhe për këtë, që nuk mund të shkojmë rreth, por duhet të kapërcejmë. Në shkretëtirë ne jo vetëm gjejmë përgjigjen e shumë pyetjeve tona. Në të ka gjithçka – erëra, ëndrra, mirazhe dhe me rëndësi është çfarë do të preferojë njeriu.”
Mirëpo, çfarë preferon piktori Gredi Assa?
“Personalisht unë preferoj mirazhet. Fakti, se mund ta shikosh dhe ta pranosh, se ato janë pikënisja drejt idesë dhe qëllimit tënd, është pjesë e frymëzimit, përvojës dhe imagjinatës së piktorit. Mirazhet, vegimet shfaqen atëherë, kur njeriu i kërkon dhe i dëshiron. Atëherë mund të shikosh oaza si një strehim.”
Piktori tregon në mënyrë poetike për shkretëtirën dhe për pafundësinë e saj. Dhe ai e ndjej veten si një zbulues i bukurisë së papritur të shkretëtirës. Ai rrëfen edhe për vështirësitë, që haste në krijimtarinë 40-vjeçare dhe për pozitën jetike që mbronte, duke bërë aluzion me Biblën – me ato 40 vjet, gjatë të cilëve Moisiu bridhte me popullin nëpër shkretëtirë. Dunat e saj të shumta janë shkak, që Gredi Assa të ndjej veten “si një kokrrizë rëre me botë të vet të brendshme plotë liri, shpresë, frymëzim”.
Në ekspozitë tablotë, që prezantohen janë në gjini të ndryshme. Ka dhe shumë portrete. Njeri prej tyre rikrijon regjisorin e madh bullgar Dimitër Goçev, i cili vite me radhë punonte në Gjermani. Për të piktori kujton:
“Ishim miq, ai koleksiononte tablotë e mi dhe shpesh herë folëm për artin modern. Ai më jepte forcë dhe besim. Prandaj vendosa të përfshij portretin e tij në këtë ekspozitë. Ka edhe portrete të shumë të afërmve të mi. Në këtë ekspozitë desha t’u bëj një përkulje ndaj arteve, të cilët i pëlqej.”
Çfarë u uron studentëve të tij profesori Gredi Assa?
“Jam me shpresë, që studentët e mi do të gjejnë rrugën e vet, në të cilën do të ecin ngadalë dhe qetë. Vetëm kështu arrihen qëllimet më të largëta. Shpresoj, se ata nuk do të jenë piktorë të përjetimeve të përkohshme, por do të arrijnë të zbulojnë edhe gjërat më të vogla. Ata duhet të posedojnë aftësinë të dallojnë ndjenjat e ndryshme, kështu që ta rikrijojnë në veprat e tyre.”
Përgatiti në shqip: Svetllana Dimitrova
Interpretuesit e vallëzimeve klasike indiane do të zhytin Burgasin në ritmin e kulturës indiane më 14 gusht në orën 20:30 në skenën e hapur "Kërmilli" në Kopshtin e Detit, njoftoi Bashkia e Burgasit. Programi Rasa-Nishpatti përmban..
Ekspozita e përbashkët “Dialogu” e Kënço Kënev dhe Valeri Llazarov me koreanen Çoi Xhi Yn prezantohet në Galerinë e Arteve në Ruse. "Bota ndjen një nevojë të madhe për dialog dhe tolerancë. Në këtë mjedis të tensionuar ndërkombëtar, njerëzit..
Çepellare u bë një strehë krijuese për 10 gra shkrimtare nga Bullgaria, Spanja, Polonia, Ukraina, Belgjika, Britania e Madhe dhe Serbia, raportoi BTA. Qyteti i Rodopeve pret për të dytin vit rezidencën e shkrimtareve “Gratë në mal”, e..
Në vjeshtën e vitit 1992, nëpërmjet një urdhri të Këshillit të Ministrave në Bullgari, u krijua Agjencia për Bullgarët Jashtë Shtetit për të koordinuar..
Na ishte njëherë e një kohë një lagje e jashtëzakonshme. Prej saj filloi ndërtimi i Sofjes së Vjetër, sepse ndodhej midis Pallatit dhe stacionit - rruga..