“Ne, bullgarët jashtë shtetit, nuk harrojmë t’i shënojmë festat tona!” Këto janë fjalë të këngëtares popullore Radka Gançeva. Ajo ishte ndër pjesëmarrësit në koncertin e organizuar nga bashkësia bullgare në Valensia të Spanjës më 17 maj. Aktiviteti i ishte kushtuar Ditës së alfabetit sllav dhe të iluminizmit dhe kulturës bullgare, megjithëse u organizua një javë më herët para festës më 24 maj.
Më shumë hollësi për aktivitetin tregon këngëtarja Radka Gançeva: “Organizatori është asociacioni “Progres” nga qyteti Valensia. Pranë tij ka një shkollë bullgare “Vasill Levski” me mbi 150 fëmijë, dhe ansamble folklorike. Ky aktivitet zhvillohet çdo vit. Para pesë vitesh isha e pranishme në edicionin e tij të parë. Gjithmonë ka një interes të madh. Në qytetin spanjoll dhe krahinat rreth tij ka akoma disa asociacione bullgare. Në koncertin më 17 maj marrin pjesë fëmijë nga shkolla bullgare në Valensia, ansambli folklorik “Veselie” etj. Unë vetë gjithmonë u përgjigjem me entuziazëm të madh ftesave të tilla. Nuk mund të ketë festë pa muzikë dhe valle popullore. Interpretoj këngë të Dobruxhës, sepse kjo është vendlindja ime, por nganjëherë paraqes folklorin e krahinave të tjera të Bullgarisë. Muzika popullore është pasuria jonë. E kuptova këtë, pasi shkova për të banuar jashtë. Njerëzit nuk e kuptojnë gjuhën tonë, por i dëgjojnë meloditë e bukura bullgare me një kënaqësi të madhe.”
Më 18 maj në Ambasadën Bullgare në Paris u zhvillua akoma një aktivitet bullgar – festivali “Misteri Pranveror”. themeluesja e Asociacionit “Misioni Bullgaria”, znj. Irina Verne, e cila organizon ngjarjen për herë të dytë me radhë, tregon: “Që gjatë muajit shkurt filluan ta na telefononin njerëz, të cilët donin të merrnin pjesë në festival. Edhe sivjet Ambasada Bullgare në Paris na përkrahu, duke na dhënë hapësira të përshtatshme në territorin e saj. Desha të rikujtoj se “Misioni Bullgaria” tashmë është 9 vjeçar. Është themeluar nga disa familje bullgaro-frënge. Që nga vetë fillimi përpiqemi t’i përkrahim bashkatdhetarët tanë në Francë, të tregojmë gjërat pozitive të kulturës sonë, të historisë dhe kohës moderne të Bullgarisë. Organizojmë shumë aktivitete. Pikërisht më 24 maj ambasadori ynë në Bruksel do të hapë një ekspozitë bullgare në këtë qytet. Do të paraqesim piktoren e re Mariana Kallëçeva nga Plovdivi, skulptorin Krasimir Trendafillov – Botren, fotografin Georgi Georgiev etj. Për mua me rëndësi të madhe është pjesëmarrja e art-grupit “Kitanova” nga qyteti i Pernikut, ku pedagogia me përvojë të madhe dhe piktore e talentuar Tanja Kitanova punon me të rinj me të meta mentale. Do të paraqesim dhe vepra të tyre.”
Përgatiti në shqip: Vesella Mançeva
Java që kaloi ishte mjaft e pasur në përmbjatje në Shkollën Verore të Gjuhës dhe Kulturës Bullgare në Tiranë. Gjatë këtyre ditëve, përveç mësimit të gjuhës praktike të bullgarishtes, të drejtuara nga Prof. As. Dr. Raqi Bello, lektor i gjuhës dhe..
Nxënësit bullgarë fituan një komplet të plotë medaljesh - ari, argjendi dhe bronzi - në Olimpiadën e 35-të Ndërkombëtare të Biologjisë (IBO), e cila u mbajt në Kazakistan. Në turneun më prestigjioz të biologjisë pëe vitin në botë, bullgarët testuan..
Të martën ishte sesioni i parë konstituiv i Parlamentit të ri Evropian për konstituimin e Parlamentit të ri, krijimin e komisioneve parlamentare dhe zgjedhjen e kryetarit të ri të institucionit. Kandidatura e Ursula von der Leyen për presidente të..
Java që kaloi ishte java e tretë e Shkollës Verore të Gjuhës dhe Kulturës Bullgarenë Tiranë. Kjo ishte dhe java e fundit e shkollës në ambientet e..
Donacionet dhe qëndrimi ndaj përparimit të shkencës dhe arsimit vendas janë lidhur me zhvillimin e arsimit të lartë në Bullgari. Falë shpirtit..
Gati 10 për qind e 11-vjeçarëve në vendin tonë kanë qenë të dehur të paktën dy herë në jetën e tyre, 18% e djemve dhe 13% e vajzave kanë pirë cigare,..