Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Festivali i katërt Ndërkombëtar Koral “Tingujt e Detit të Zi” – Ballçik

БНР Новини
Kolazh: Vergil Mitev

Nga 4 deri më 8 qershor në Ballçik do të zhvillohet edicioni i katërt i Festivalit Ndërkombëtar Koral “Tingujt e Detit të Zi”. Forumi mban emrin e Korit të përzier, të themeluar para një shekulli në qytetin e bukur detar. Festivali u krijua me ide të Valentina Georgievës – dirigjente e korit, drejtoreshë artistike e festivalit dhe kryetare e shoqatës “Bota Muzikore”.

“Sivjet festojmë 100 vjet nga krijimi i korit të përzier “Tingujt e Detit të Zi” – tregon Valentina Georgieva – Këtij jubileu ia kushtojmë jo vetëm festivalin, por edhe koncertet tona gjatë tërë vitit 2014. Në kuadrin e aktivitetit shënojmë akoma një datë të madhe. Sivjet mbushen tetë dekada nga lindja e prof. Ivan Spasovit. Ai është një kompozitor i shquar, dirigjent dhe pedagog i njohur, i cili ka lënë një trashëgimi të pasur prej veprash korale. Të gjithë kolegët bullgarë do të përfshijnë këngë të tij në programet e veta – nëntë formacione do të interpretojnë nëntë këngë të ndryshme të prof. Spasovit. Në kuadrin e katër ditëve të festivalit do të paraqitim gjithsej gjashtë koncerte. Pjesëmarrësit janë nga Italia, Franca, Spanja, Danimarka, Rumania, Greqia, Turqia. Po ruajmë traditën për të ftuar një kompozitor, i cili t’i drejtojë atelietë e koreve akademike. Sivjet ky është zoti Ambrosh Çopi – kompozitor dhe dirigjent nga Sllovenia. Gëzohem se edhe këtë vit marrin pjesë formacione folklorike. Atelieja për këto formacione do të drejtohet nga Katja Barullova. Pjesëmarrje të posaçme në forum do të ketë Kori i dhomës i Sofjes “Vasill Arnaudov” me dirigjente profesoreshën Teodora Pavlloviç – kryetare e jurisë sonë. Publiku do të dëgjojë dy kore, të bashkuara me emrin kori “Bodra Pesen” (“Kënga e gëzueshme”) nga qyteti Shumen, “Rodna Pesen” (Kënga e Atdheut”) nga qyteti Haskovo, Kori i Dhomës “Ivan Spasov” nga Plovdivi etj.

Në programin e Festivalit Ndërkombëtar Koral “Tingujt e Detit të Zi” marrin pjesë gjithashtu Studioja për këndim folklorik “Nusha” dhe kori folklorik i femrave “Ilinden” nga Sofja, kori folklorik “Dobruxhanski Gllasove” (“Zërat e Dobruxhës”) nga fshati Sokollovo, Studioja Vokale pranë vatrës kulturore Pajisij Hilendarski – 1870” nga Ballçiku, kori i përzier “Sllavia” nga qyteti Harmanli etj. Që nga themelimi i vet festivali ftuan grupe të huaja, të cilat interpretojnë këngë bullgare. Në edicionin e sivjetshëm kjo traditë do të vazhdohet nga vajzat e “Sedjanka” (“Ndeja”) – Danimarka dhe kori i femrave “Bëllgarski Gllasove ot Berlin” (“Zërat bullgarë nga Berlini”).

Përgatiti në shqip: Vesella Mançeva


Последвайте ни и в Google News Showcase, за да научите най-важното от деня!

Më shumë nga rubrika

"Ti"

DeepZone Project vazhdon linjën në të cilën ata interpretojnë në një mënyrë të re këngët e njohura nga autorë dhe interpretues bullgarë. Këtë verë muzikantët prezantojnë një nga këngët më të dashura bullgare - "Ti", kënduar fillimisht nga Nina..

botuar më 24-08-21 7.05.PD

"Dashuria është si" me një version të ri

Milena Canova është një këngëtare që shmang përcaktimin e preferencave të saj stilistike – kjo sepse zëri i saj është mjaft i larmishëm për të unifikuar gjithçka që bën si art. Pasi kaloi nëpër formate të ndryshme televizive, ajo vendosi të..

botuar më 24-08-20 8.15.PD

Irina Florin dhe kënga e saj “Ngjyra vjollce”

Sofia Summer Fest – Edicioni Underground, pjesë e Sofia Summer Fest, hapet sonte. Kjo do të ndodhë me një koncert në të cilin do të dëgjojmë dy këngëtaret që me këngët e tyre shënuan muzikën bullgare në prag të mijëvjeçarit të ri - Irina Fllorin dhe..

botuar më 24-08-19 2.05.MD