Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Filmi “Rapsodia bullgare” i Ivan Niçevit çel Festivalin “Dashuria është çmenduri”

БНР Новини
Foto: fccvarna.bg

Nga data 22 qershor deri më 28 qershor në Varna do të mbahet Festivali Ndërkombëtar “Dashuria është çmenduri”. Ai do të çelet me premierën e filmit “Rapsodia bullgare” të Ivan Niçevit. Filmi është i bashkëpunimit bullgaro-izraelit dhe trajton temën për tolerancën ndaj hebrenjve bullgarë në vitet e Luftës së Dytë Botërore. “Rapsodia bullgare” është pjesa e fundit e trilogjisë kushtuar shpëtimit të afro 50 mijë hebrenjve bullgarë nga dërgimi në kampet naziste. Dy filmat e parë: “Pas fundit të botës” dhe “Udhëtimi për në Jerusalem” merituan në sërë çmimesh në konkurset ndërkombëtare.

Sa dihet në botë për shpëtimin e hebrenjve bullgarë?

“Kjo temë është si e njohur, ashtu dhe e panjohur – thotë regjisori Ivan Niçev. – Kur projektuam “Pas fundit të botës” në Amerikë, konstatova se ka shumë njerëz të cilët nuk e dinë asgjë për fatin e hebrenjve bullgarë. Bile shumë njerëz nuk e dinin se ku po gjendet Bullgaria. Kjo më motivoi që të bëjë filmin e dytë “Udhëtimi për në Jerusalem”, sepse ia vlen të dihet për tolerancën etnike dhe fqinjësinë e mirë sidomos në rajonin e Ballkanit. E gjitha kjo ndodhte në sfondin e konflikteve të cilat po shpërthenin në botë. Filmin “Pas fundit të botës” e xhiroja kur shpërtheu Lufta e Kosovës. Tani kur jepet premiera e “Rapsodisë bullgare”, ka konflikte në Siri dhe Irak. Situata është e tmerrshme dhe arti e ka për detyrë të trajtojë temën për vlerën e fqinjësisë së mirë.”

Filmi “Rapsodia bullgare” përveç se trajton temën për shpëtimin e afro 50 mijë hebrenjve bullgarë, diskuton temën e prekshme për deportimin e afro 11 500 hebrenjve nga Trakia Perëndimore dhe Maqedonia në kampet e përqendrimit, të cilët hebrenj Bullgaria nuk ka arritur t’i shpëtonte. Subjekti i filmit rrëfen për ëndërruesen Sheli dhe për dy djemtë të cilët janë dashuruar pas saj – piktori Moni dhe muzikanti nga lagja e hebrenjve në Sofje, Zhozho. “Këta janë tre adoleshentë, të cilët bien në dashuri për herë të parë, xhelozohen me njëri-tjetrin dhe ëndërrojnë pa fund. E gjitha kjo ndodh në sfondin e fatit të hebrenjve gjatë Luftës së Dytë Botërore” – sqaron Ivan Niçev.

“Ky është bashkëpunimi i parë midis Bullgarisë dhe Izraelit në fushën e kinematografisë – vë në dukje regjisori. – Financiarisht Izraeli na ndihmoi shumë. Dy javë pas premierës së “Rapsodisë bullgare” në Sofje, filmi do të projektohet edhe në Tel Aviv. Aty ka shumë hebrenj bullgarë të moshës së tretë. Mesa mora vesh folmi pritet me interes të madh. Shpresoj se filmin do ta ndjekë po ashtu dhe brezi i ri sepse të rinjtë e njohin fatin e gjyshërisë. Filmat si “Rapsodia bullgare” japin shans që të mbahen lidhjet me hebrenjtë bullgarë. Izraeli është njëri nga vendet ku mund të dëgjohen gjëra pozitive për Bullgarinë. Aty kemi shokë besnikë.”

Përgatiti në shqip: Anna Kapitanova



Последвайте ни и в Google News Showcase, за да научите най-важното от деня!

Më shumë nga rubrika

Foto: Facebook / Rrugët e Stara Zagorës

Ora e Teatrit të Kukullave në Stara Zagora është një nga emblemat e qytetit

Ora e Teatrit të Kukullave është prej 48 vitesh një nga emblemat e qytetit Stara Zagora . Ajo u vu në shfrytëzim në vitin 1977 dhe është e vetmja e këtij lloji në Gadishullin Ballkanik. Për këtë shkruan nga Teatri në faqen në Facebook, pasi..

botuar më 25-01-12 6.10.PD
 Stefan Komandarev

Filmi i ri i Stefan Komandarev renditet ndër bashkëprodhimet më të mira

Projekti i fundit i regjisorit Stefan Komandarev - "Universi Bllok" - është një nga 35 të përzgjedhurit në forumin më të rëndësishëm botëror për bashkëprodhimet filmike, Berlinale Co-Production Market. Çdo vit ka qindra kandidatë, procesi i..

botuar më 25-01-10 12.09.MD

Filmi më i ri bullgar "Para se të harroj" tregon një histori familjare për kujtesën dhe dashurinë

Filmi më i ri bullgar "Para se të harroj" mund të shihet që nga sot në kinema. Ai rikrijon realitetin e trishtuar të një prej sëmundjeve më të zakonshme moderne - demencës. Skenaristja Teodora Stoillova-Donçeva është frymëzuar nga ngjarje reale. Filmi..

botuar më 25-01-10 6.25.PD