Gjatë muajit qershor Ivan Janëkov ishte në Bullgari ku dha dy koncerte – më 13 qershor në Plovdiv në Festivalin e Muzikës së Dhomës dhe më 18 qershor në Sofje. Koncertet e tij janë përfshirë në programin e Edicionit të XIX-të të “Sallonit të Arteve”. Më shumë informacione rreth koncertit në Sofje, na sjell vetë pianisti: “Para pak kohe punova mbi një CD të re, ku përfshira disa vepra të kompozitorit hungarez Franz Liszt, thotë muzikanti bullgar. – Një pjesë prej tyre prezantova në Sofje gjatë koncertit tim në Pallatin Kombëtar të Kulturës.”
Pianisti Ivan Janëkov sfidon veten e tij në dirigjim. Debutimin e ka bërë para disa vitesh në Orkestrën Simfonike të Çekisë. “Fillimisht fillova t’i bija pianos që të përvetësoj artin e dirigjimit – thotë muzikanti bullgar. – Por me kalimin e kohës u bëra interpretues solo dhe planin tim të bëhesha dirigjent e lashë për më vonë. Në vitin 2010 në Londër themelova orkestrën e dhomës “London Chamber Players”. Ky formacion është i telave por kur ka nevojë përfshij edhe instrumentet frymore. Në repertorin e tij ka vepra nga baroku, periudha klasike, romantizmi dhe shekulli i XX-të. Deri në fund të vitit planifikoj të nxjerr një CD të re.”
Ivan Janëkov jep koncerte në më se 30 vende të botës, ndër të cilat janë Japonia, Kina, Italia, Gjermania, Anglia, SHBA etj. Incizimet e tij në piano janë transmetuar në televizionet dhe radiot në Evropën dhe Amerikën Veriore.
Në repertorin e pianistit vend të rëndësishëm zënë veprat e kohës së re. “Zakonisht në muzikën bashkëkohore, ne interpretuesit kemi përgjegjësi shumë të madhe – thotë Ivan Janëkov. – Pa ne, muzika mbetet vetëm bojë shkrimi në letër dhe nuk merr jetë. Më vjen mirë se kam pasur mundësinë të komunikoja me shumicën e kompozitorëve, muzikën e të cilëve unë luaj. Premiera ime në “Carnegie Hall” ishte me vepra të kompozitorit finlandez Magnus Lindberg. Kam bashkëpunuar me kompozitorin turk Çallar Arsu, i cili jeton në SHBA. Përveç se interpretoj disa nga veprat e tij, gjatë korrikut orkestra ime e dhomës do të bëjë premierën e disa veprave të tij në Veriun e Anglisë. Ka mjaft bashkëkohës tanë të cilët kompozojnë. Ne, interpretuesit, e kemi për detyrë të përhapim muzikën e tyre.”
Në Bullgari Ivan Janëkov ka qenë solist i orkestrave si “Filarmonia e Sofjes”, “Solistët e Sofjes” dhe “Classic FM”. Ka marr pjesë në festivale të ndryshme muzikore në vend – “Festivali Evropian i Muzikës”, “Salloni i Arteve”, “Apolonia” etj.
Përgatiti në shqip: Anna Kapitanova
Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të dielën. Festivali mbledh muzikantë të njohur bullgarë në skenën e hapur të livadhit pranë shpellës..
Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh veror të Vlladi Ampov – Grafa, është koncepti i koncertit të tij spektakolar në Stadiumin Kombëtar..
Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që nisi më 21 qershor në Stara Zagora,ylli i muzikës bullgare pop performon si hitet e saj më të mëdha,..
Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën..